Instituttlediar ved Institutt for biomedisin, Det medisinske fakultet

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=vtJLmcUJ3-w

Instituttleiar ved Institutt for biomedisin

Ved Det medisinske fakultet er det ledig ei fagleg spanande og utfordrande åremålsstilling (4 år) som instituttleiar (professor) ved Institutt for biomedisin, http://www.uib.no/biomedisin (http://www.uib.no/biomedisin) frå 1.8.2025 

Institutt for biomedisin er eitt av fem institutt ved fakultetet. Den faglege porteføljen er brei, og spenner over mange basalmedisinske fagområde. Instituttet har om lag 160 tilsette og av dette er 31 faste vitskaplege ansatte og 43 teknisk/administrative stillingar. I tillegg til fast stab har vi 95 stillingar knytt til rekruttering (stipendiat, postdoktor) og eksterne forskingsprosjekt. Samla budsjett er på omlag 125 mill. kroner og av dette er meir enn halvparten frå eksterne forskingsfinansierande institusjonar. Instituttet held til på universitetscampus ved Haukeland universitetssjukehus og har eit nært samarbeid med sjukehuset. 

Institutt for biomedisin (IBM) har som oppgåve å drive basalmedisinsk forsking, rettleiing og undervisning på høgt internasjonalt nivå for å oppnå fakultetet sin visjon «ny kunnskap for betre helse». Instituttet husar sterke forskingsgrupper, og har ei sentral rolle i utdanning av studentar i medisin, odontologi, farmasi og ernæring, innan biomedisinske basalfag. Instituttet har eit eige mastergradprogram i biomedisin, og tek del i fakultetet sitt ph.d.-program. 

Institutt for biomedisin underviser i dei biomedisinske basalfaga (anatomi, cellebiologi, biokjemi og molekylærbiologi samt fysiologi) for studentar innan medisin, odontologi, tannpleie, ernæring og farmasi, samt masterstudentar innan biomedisin. Forskinga er med utgangspunkt i desse disiplinane og famnar om tema som kreftforsking, neurovitskap og hjarte- og karsjukdomar. Forskinga skjer i nært samarbeid med andre institutt ved Det medisinske fakultet og elles ved Universitetet i Bergen, og med Helse Bergen og nasjonale og internasjonale samarbeidspartnarar. Forskinga er i all hovudsak eksternt finansiert. 

Instituttet organiserer tre kjernefasilitetar som er felles for fakultetet og deltar i eitt senter for framifrå forsking.

Dei viktigaste oppgåvene til instituttleiar er følgjande:

• Leie og utvikle verksemda ved instituttet med vekt på høg kvalitet i tråd med strategien til fakultetet og Universitetet i Bergen 
• Representere og posisjonere institutt og fakultet, og bidra til internt og eksternt samarbeid 
• Bidra til å auke ekstern finansiering 
• Skape ein positiv organisasjonskultur og stimulere til eit produktivt og godt arbeidsmiljø 
• Leggje til rette for gode prosessar baserte på medverknad frå tilsette og studentar 
• Sørgje for at internkontroll og økonomistyring fungerer i samsvar med fastsette reglar og rutinar 
• Arbeide for god kjønnsbalanse i stillingane ved instituttet

Vi søkjer instituttleiar som:

• Har gode leiareigenskapar, og kan vise til resultat 
• Har erfaring/ røynsle frå forskings- og utdanningsleiing 
• Har kompetanse som professor i eitt av fagområda ved instituttet (eller nærståande fagfelt). 
• Har evne til å arbeide strategisk mot fastsette mål, har gode evner til kommunikasjon, dertil evne til å skape tillit og byggje nettverk internt og eksternt 
• Har god innsikt i kunnskapsorganisasjonar og dei krav som vert stilt til administrative tenester og god økonomistyring 
• Har ein motiverande og inkluderande leiarstil prega av samarbeid, medverknad og dialog

I tillegg blir det lagt vekt på:

• Ein motiverande og inkluderande leiarstil 
• Perspektiv på forsking og utdanning nasjonalt og internasjonalt 
• Gode kunnskapar i eit skandinavisk språk (norsk, svensk eller dansk) og engelsk 
• Utdanningsfagleg kompetanse er eit krav for stillinga som professor, sjå retningslinjer for oppretting av ei pedagogisk mappe på Eining for læring  (https://ekstern.filer.uib.no/mofa/Enhet%20for%20l%C3%A6ring/Mal%20for%20pedagogisk%20mappe_MED%2019.10.20.pdf)
• Personlege eigenskapar vert vektlagt

Det vil bli lagt til rette for at den som får stillinga kan ha relevant bistilling utanfor Universitetet i Bergen. Det er eit ynskje at leiarskapet vert kombinert med eiga forskingsaktivitet. Universitetet i Bergen, og Det medisinske fakultet kan tilby eit konkurransedyktig fagmiljø og ein infrastruktur og utstyrspark, som er i internasjonal klasse. Vi legg til rette for instituttleiar sin forskingsaktivitet og leiarutvikling. Eit nært samarbeid med helseføretaka og primærhelsetenesta er av stor verdi for vår forskingsog undervisningsaktivitet.

Instituttleiar rapporterer til dekanus og inngår i fakultetet si leiargruppe. Informasjon om instituttet og fakultetet kan du finne på Universitetet i Bergen sin eksternweb: https://www.uib.no/med (https://www.uib.no/med)

Vi tilbyr:

• Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt 
• Faglege utfordringar med gode høve for personleg utvikling og kompetanseutvikling 
• Løn er for tida kr 1 200 000 - 1 300 000 (kode 1475). Løn er brutto pr. år for ei fulltidsstilling i lønsregulativet til staten ved tilsetjing. For særleg kvalifisert søkjar kan høgre løn verte vurdert.
• Medlemskap i Statens pensjonskasse
• Gode velferdsordningar (https://www.uib.no/foransatte/17399/velferd)

Til instituttleiarstillinga er det òg knytt midlar til ei stipendiat- eller ei postdoktorstilling.

Søknaden skal innehalde:

• CV, vitnemål og attestar 
• Fullsendig publikasjonsliste 
• Pedagogisk mappe, sjå utfyllande informasjon på eining for læring (https://ekstern.filer.uib.no/mofa/Enhet%20for%20l%C3%A6ring/Mal%20for%20pedagogisk%20mappe_MED%2019.10.20.pdf) 
  Ei liste over vitenskaplege arbeid du vil det skal takast omsyn til ved vurderinga, med opplysning om kvar dei er offentleggjorde. 
• Vitskapleg arbed du vil det skal takast omsyn til ved vurderinga (maks 15) i passande format (pdf) som vedlegg 
• To referansar (namn og kontaktinformasjon)

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden

Generell informasjon:

Interesserte kan kontakte:
Dekan Per Bakke, telefon 55 58 20 87/992 04 032, e-post per.bakke@uib.no eller 
Fakultetsdirektør Synnøve Myhre, telefon 55 58 44 51/ 93 48 46 14, e- post: synnove.myhre@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Kvinner vert oppmoda særskilt til å søkje stillinga. Dersom fleire søkjarar vert vurdert å ha tilnærma like kvalifikasjonar, vert avgjerda om kjønnskvotering i Personalreglementet for tekniske og administrative stillingar nytta.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her (https://www.uib.no/hr/74251/ansettelsesprosessen).