Rådgivar/seniorrådgivar - natur

Om stillinga

Miljøvernavdelinga hos Statsforvaltaren er regional statleg miljøvernmynde og arbeider for gjennomføring av nasjonal miljøvernpolitikk i Rogaland. Vi arbeider mellom anna med naturvern og naturforvaltning, vassforvalting, forureining, og uttalar til regionale og kommunale planar etter plan- og bygningslova. 

Statsforvaltaren i Rogaland skal gjennom dialog og skriftlege uttalar, formidle styringssignal og nasjonale forventningar til kommunale og fylkeskommunale planar. Vi skal også samordne våre uttalar med andre statlege regionale instansar.

Avdelinga har 33 tilsette med stort engasjement for miljø, natur, klima og plan, og desse er inndelt i to fagområde med kvar sin fagleiar, fagområde natur og fagområde forureining.

Miljøvernavdelinga har ledig ei fast stilling som rådgivar/seniorrådgivar innan natur.

Arbeidsoppgåver

Arbeidsoppgåvene dine blir i stor grad todelt. Den eine delen handlar om vassforvalting, og inkluderer mellom anna oppdatering og vedlikehald av kartdatabasen Vann-Nett, koordinering og oppfølging av lokal vassovervaking, samt oppfølging og generell støtte til vassområdekoordinatorane og kommunane i fylket. Den andre delen handlar om koordinering og oppfølging av kalkingsarbeidet i fylket. Kalking av vassdrag er eit viktig tiltak for å redusere dei negative konsekvensane av sur nedbør. 

Arbeidsoppgåvene er altså innan:

• vassforvalting inkl. vassovervaking
• oppdatering og vedlikehald av kartdatabasen Vann-Nett
• vassdragskalking

Kvalifikasjonskrav

Du er ein person med interesse og engasjement for natur og miljø, med spesielt fokus på vassdragsnaturen, og trivst med tverrfagleg arbeid.

Vi ønskjer oss ein dyktig medarbeidar som:

• har relevant utdanning på mastergradsnivå med fagleg tyngde innan biologi/økologi/realfag. Utdanning på lågare nivå kan kompenserast med relevant erfaring
• har erfaring frå offentleg eller privat verksemd med natur- eller vassforvalting, eller er nyutdanna med relevante fag
• uttrykker seg klart skriftleg og munnleg

Personlege eigenskapar:

• du har gode samarbeidsevner og god relasjonell kompetanse
• du kan arbeide sjølvstendig, ta initiativ, er løysningsorientert og har god gjennomføringsevne 
• du er strukturert og nøyaktig i arbeidet ditt

Personlege eigenskapar blir vektlagt.

Det må påreknast reise for å gjennomføre tilsyn. Du bør derfor ha sertifikat for personbil klasse B.

Vi tilbyr

• lønn som rådgivar, kr 590 000 - kr 680 000 pr år, eller lønn som seniorrådgivar, kr 600 000 - 740 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• fleksibel arbeidstid og statleg avtaleverk
• god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse 
• gode høve til fagleg utvikling og til å utvikle fagleg nettverk 
• nødvendig opplæring og rom for kompetanseutvikling 
• varierte, interessante og viktige oppgåver 
• triveleg arbeidsmiljø i Statens Hus sentralt i Stavanger 
• HjemJobbHjem-ordning 

Det er 6 månaders prøvetid i stillinga. 

Statsforvaltaren jobbar med mange sider av livet og samfunnet. Derfor meiner vi at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å sikre ei endå betre oppgåveløysing. Så langt som mogleg legg vi til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, blir minst éin søkjar innkalla til intervju. For å bli vurdert som søkjar i desse gruppene, må søkjarane oppfylle visse krav og det må kryssast av i søknaden.

Andre opplysningar

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. Vi gjer merksam på at søknaden kun blir vurdert ut frå informasjonen som føreligger ved søknadsfristens utløp. Det er viktig at du viser korleis din kompetanse fyller kriteriene som er beskrivne i annonsen. Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.

Korleis er det å arbeide hjå Statsforvaltaren?

Statsforvaltaren har oppgåver innan ulike fagområde og ansatte med forskjellige utdanninger. 

Video: https://www.youtube.com/watch?v=Kyv2NIG8gUw