Nyoppretta stilling - Vil du vere med å utvikle skulen i Alver?

Det er no ledig 100 % stilling som assisterande tenesteleiar for grunnskulane i Alver kommune.

Vi treng ein person som har gode leiareigenskapar og fagleg tyngde, som har skulefagleg utdanning på høgskulenivå med kompetanse, erfaring og preferanse for skulefagleg utviklingsarbeid, leiing og endring.

Om oss

Kvar dag gjer våre medarbeidarar i skulane ein viktig innsats for at elevane skal oppleve læring, trivsel og meistring i sosiale fellesskap. Vi søkjer assisterande tenesteleiar for grunnskule som vil vere med å realisere dette i samarbeid med våre kompetente og dyktige leiarar og medarbeidarar i skulane våre.

Alver kommune er midt i ein omstillingsprosess der vi skal justere drifta for å sikre meir berekraftig økonomi. Endringane knytt til skule byggjer på nyleg vedteken barnehage- og skulebruksplan, og inneber både strukturendringar og reduksjon i bemanning.

Assisterande tenesteleiar for grunnskule rapporterer til tenesteleiar for grunnskule, og samarbeider tett med rektorane, rådgjevarane for sektor oppvekst, samt tenesteleiarar for barnehage, PPT, helsestasjon- og jordmortenesta og barnevern.
 

Arbeidsoppgåver

Som assisterande tenesteleiar vil du ha følgjande arbeidsoppgåver:

• Leiarstøtte for rektorane ved grunnskulane og vaksenopplæringa

• Følgje opp skulane gjennom etablert Kvalitetssystem i kommunen og ved dialog undervegs

• Følgje politiske og administrative prosessar, samt følgje opp politiske vedtak

• Planleggje, styre og gjennomføre utviklings- og omstillingsprosessar, i samarbeid med leiarar og stab oppvekst

• Delta i tverrfagleg samarbeid og utviklingsprosjekt retta mot barn og unge

• Sikre system og strukturar som er i samsvar med krav til internkontroll

Kvalifikasjonskrav 

• Skulefagleg utdanning (høgskule/universitet), med relevant vidareutdanning i leiing (helst på masternivå)

• Relevant erfaring som leiar/tilsvarande stilling

• God kjennskap til offentleg forvaltning/lov- og avtaleverk

• God relasjonskompetanse

• God framstillingsevne både munnleg og skriftleg

• God kjennskap til nyare forsking, teori og utgreiingar innafor utdanningsfeltet

• Utviklings- og prosessorientert

Kjenner du deg att ? 

Vi søkjer ein synleg, tydeleg og handlingsorientert leiar som fremjar utvikling, motivasjon, engasjement og samhandling både innafor eige tenesteområde og på tvers av tenesteområda. Vi er på jakt etter ein leiar som gjennom sine leiar- og relasjonelle eigenskaparbidrar til tillit både internt og eksternt, til kvalitet i opplæringstilbodet til elevane i kommunen, eit godt arbeidsmiljø og eit tverrfagleg fokus i utviklingsarbeid. Det er ønskjeleg at assisterande tenesteleiar har gode digitale ferdigheiter.

Send oss ein søknad, kanskje det er akkurat du som er rett person for denne spennande rolla!

Vi tilbyr

• Du får jobbe med eit viktig samfunnsoppdrag, der du får vere med å utvikle kommunen sine tenester.

• Du blir ein del av eit godt fag - og arbeidsmiljø med engasjement og arbeidsglede.  

• Vi har gode arbeidstidsordningar, betalt lunsjpause, muligheit for heimekontor og gratis parkering.

• Vi har god pensjonsordning i KLP

• Du får lønn- og tilsetjingsvilkår i samsvar med lov- og avtaleverk

Video: https://www.youtube.com/watch?v=_xHE9zF24G4&ab_channel=Alverkommune