Vil du selje framtidas havbruk?

Watermoon jobbar kontinuerlig for å verte bransjestandarden. Me søkjer ein Sales Manager som ser moglegheiter, skaper verdi og driv utvikling der andre ser grenser.

Om Rolla:

Som Sales Manager vil du vere ein nøkkelperson for å sikre at strategi blir til handling. Du vil aktivt jobbe med å lukke avtalar, byggje relasjonar og skapa verdi gjennom Watermoon plattforma.

Eksempel på arbeidsoppgåver og ansvarsområde:

• Aktivt drive sal, sikre nye kundar og lukke avtalar
• Byggje og utvikle langsiktige kundeforhold, og sikre vidare vekst på marknaden
• Gjennomføre marknads-, konkurrent- og kundeanalysar
• Ta del i strategiske vurderingar på tvers av fagområder i verksemda
• Føre dokumentasjon, kontraktsnotat og oppfølgingsplanar

Rolla vil krevje at du er fleksibel med omsyn til arbeidstid og reiseverksemd. Du vil ha disponibel kontorplass ved hovudkontoret i Hålandsdalen og ved kontoret vårt i Bergen.

Kven er du?

Me ser etter ein erfaren seljar som kan ta ansvar for sal og forretningsutvikling, men som også er motivert for å arbeide operativt med kundehandsaming og oppfølging. Rolla vil utvikle seg i takt med Watermoon, og du vil få meir ansvar og moglegheiter. For å lykkas i denne rolla må du vere ein kommersiell pådrivar som tek initiativ og som har tru på visjonen.

• God forståing for salgsprosessar, med evne til å setje strukturerte mål og utvikle strategiar.
• Du har sterk gjennomføringskraft – du tek ansvar og sikrar at oppgåver blir løyste.
• Framifrå kommunikasjonsevner både på norsk og engelsk.
• Evne til å arbeide raskt, nøyaktig og sjølvstendig.
• Du er utadvendt, har evna til å skape sterke relasjonar og samarbeide godt.
• Teknisk forståing, samstundes som du har eit kommersielt tankesett.

Kvifor Watermoon?

• Ei sentral rolle i eit framtidsretta og vekstorientert selskap.
• Spanande utfordringar og gode moglegheiter for personleg og fagleg utvikling.
• Eit godt arbeidsmiljø med dyktige og engasjerte kollegaer.
• Konkurransedyktige vilkår.

Din kompetanse og ditt bidrag vil vere svært viktig for verksemda si vekst og drift i framtida. Du vil bli ein del av ei verksemd som tør å satse både på visjonar og folk. Me har eit motto "det viktigaste er å ha det gøy".  

Søknadsinformasjon 

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: HR- leiar Mari Lundal mobil: 40628743, e-post: mari.lundal@efb.no 

Søk i dag om du vil ta del i å revolusjonere havbrukssektoren til det beste for fisk, folk, fjord og framtid!