Vi søker fagleg ansvarleg for PP-tenesta som vil bidra til å vidareutvikle ei kompetent og førebyggjande teneste

Ål kommune er opptatt av å tilby heilskaplege og tilgjengelege tenester til born, unge og deira familiar. Innbyggjarane våre skal oppleve at det er enkelt å ta kontakt, og at hjelpa blir godt koordinert uavhengig av korleis tenestene er organisert.

PP-tenesta er organisert i Familiens hus i Ål, saman med helsestasjonstenester, psykisk helse for born og unge, ungdomslos, logoped og andre tenester. Vi samarbeider tett med avdeling Meistring, der mellom anna fysioterapitenesta for born og unge samt KE er organisert. Målet er å tilby eit heilskapleg, lett tilgjengeleg og støttande tilbod som fremjar gode oppvekstvilkår.

Stillingsprosenten er 100 %. 50 % vil vere fagleg ansvarleg og 50% er retta mot rettleiing, kompetanseheving samt arbeid med profesjonsfelleskap internt og eksternt.

PP- tenesta er ein aktiv part i kompetanseløftet for spesialpedagogikk og inkluderande praksis i Hallingdal.

Ansvarsområde:

• Sikre at PPT er ei fagleg kompetent teneste med oppdatert kunnskap innan allmenn- og spesialpedagogikk, organisasjons- og kompetanseutvikling.

• Arbeide førebyggjande og legge vekt på tidleg innsats.

• Initiere og leie fagleg utviklingsarbeid i PP-tenesta.

• Vere ein pådrivar for gode samarbeidsrutinar med barnehagar og skular.

• Sikre heilskapleg samhandling rundt born og unge.

• Rettleie og støtte sakshandsamarane i system- og sakkyndigarbeid.

• God kjennskap til relevant lovverk.

• Følgje opp nytilsette.

• Inngå i leiarteamet i Familiens hus.

Kvalifikasjonar:

• Høgare utdanning innan pedagogikk, spesialpedagogikk eller psykologi (minimum mastergrad).

• Erfaring frå PPT og det spesialpedagogiske feltet er ein fordel.

• Erfaring med utviklings- og endringsarbeid.

• Leiarerfaring og/eller leiarutdanning vil vere ein fordel.

• Gode munnlege og skriftlege norskkunnskapar.

• Førarkort klasse B.

Personlege eigenskapar
Vi ser etter ein medarbeidar som er:

• Profesjonell, fleksibel og løysingsorientert.

• Positiv og engasjert.

• Strukturert og tydeleg.

• Evnar å sjå samanhengar og utvikle langsiktige planar.

• Har stor arbeidskapasitet og engasjement for brukargruppa.

• Har god relasjonskompetanse og samarbeidsevne.

Det blir lagt stor vekt på personlege eigenskapar for stillinga.

 Vi tilbyr:

• Positive og trivelege kollegaer i eit godt arbeidsmiljø.

• Tilrettelagde og moderne lokalar.

• Fagleg spennande, utfordrande og varierte arbeidsoppgåver.

• Høgt fagleg nivå og god fagdekning.

• Høve til fagleg og personleg utvikling.

• Fadder for nytilflytta, velkomsttreff og personleg oppfølging av deg som ny i Ål.

• Rabattert pris på treningssenter.

• Lønn etter gjeldande tariffavtale. Arbeidsforholdet er regulert av Hovudtariffavtala. 

• Pensjonsordning i KLP.

Politiattest og søknad:

• Vitnemål og attestar legg du inn saman med søknaden.

• Den som vert tilsett må legge fram politiattest ikkje eldre enn tre månader.

• Kommunen følgjer offentleglova § 25 ved eventuell offentleggjering av søkjarlista.

Velkomen som søkjar!