Noregs Bank søkjer ein sjølvstendig kommunikasjonsrådgivar med særleg kompetanse innan visuell kommunikasjon

Vi søkjer ein dyktig kommunikasjonsrådgivar med særleg kompetanse innan visuell kommunikasjon. Som vår nye kollega skal du styrkje den interne og eksterne kommunikasjonen i Noregs Bank gjennom bruk av illustrasjonar og grafikk. Du får ei sentral rolle i utviklinga av vår visuelle kommunikasjon.

Vi ser etter deg som kan dokumentere både strategisk og operativ erfaring med grafisk design. Du har god erfaring med produksjon av figurar og illustrasjonar til bruk i intern og ekstern kommunikasjon.

I tillegg har du svært god kjennskap til PowerPoint og andre verktøy for å lage gode presentasjonar. Du har òg kompetanse og interesse for å arbeide med nettsidene våre. Stillinga inneber òg andre kommunikasjonsoppgåver etter behov.

Trivst du med å jobbe på tvers av organisasjonen, er kreativ og har eit skarpt visuelt blikk? Har du gode skriveferdigheiter og likar å løyse oppgåver i team? Då vil vi gjerne ha deg med på laget!

Arbeidsoppgåver

• Forvalte og vidareutvikle den visuelle kommunikasjonen til Noregs Bank.
• Produsere illustrasjonar og grafiske produkt til presentasjonar og digitale kanalar.
• Støtte leiarar med råd og praktisk hjelp til presentasjonar.
• Bidra i prosjekt og arbeidsgrupper.
• Publisere innhald på nettsidene våre.
• Utføre løpande oppgåver i kommunikasjonsavdelinga.

Kvalifikasjonar

• Relevant høgare utdanning.
• Erfaring frå relevant kommunikasjonsarbeid.
• Dyktig til å utvikle visuell kommunikasjon i ulike format og kanalar.
• Gode evner innan historieforteljing.
  
• Erfaring med visualisering av talmateriale.
• Dokumentert kompetanse og erfaring med grafikk og illustrasjonar som kommunikasjonsverktøy.
• Svært god kjennskap til redaksjonell redigeringsprogramvare som Adobe-pakken eller tilsvarande.
• Erfaring med avansert bruk av PowerPoint og resten av Microsoft-pakken.
• Det er ein fordel med kompetanse innan foto og video.
• Det er ein fordel med god kjennskap til eit publiseringssystem (CMS). (Vi brukar Optimizely.)

Personlege eigenskapar

• Gode samarbeidsevner både internt i teamet og på tvers av avdelingar.
• Kreativ, analytisk og sjølvstendig.
• God gjennomføringsevne og høg arbeidskapasitet.
• Nøyaktig og detaljorientert.
• Bidreg aktivt til eit positivt og inkluderande arbeidsmiljø.

Spesielle krav
For stillinga blir det kravd tilfredsstillande vandel, ordna privatøkonomi og tryggingsklarering etter regelverket til Noregs Bank. Politiattest må leggjast fram. Utdanning og arbeidserfaring vil bli verifisert.

Vi tilbyr

• Moglegheiter for fagleg og personleg utvikling i eit inkluderande arbeidsmiljø.
• Trygg og sikker arbeidsplass.
• Moglegheit for heimekontor og god balanse mellom jobb og fritid.
• Konkurransedyktig løn.
• Gode pensjons- og forsikringsordningar for tilsette og familie.
• Sentrale lokale i Oslo sentrum med mellom anna treningsrom, gymsal, squashbane og kantine.
• Ei rekkje aktivitetsforeiningar som kunstforeining og idrettsforeining.
• Tilgang på feriestad i Noreg.

Noregs Bank har ein kultur for mangfald, inkludering og like moglegheiter for alle. Vi meiner dette bidreg til fleire perspektiv, auka kreativitet og betre avgjerder. Vi ønskjer medarbeidarar med ulik kompetanse, fagkombinasjonar, livserfaring og perspektiv for å bidra til endå betre oppgåveløysing. Vi legg til rette for medarbeidarar som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.