Psykolog i poliklinikk

Vi har ledig fast stilling for psykolog i vårt sektorteam for Bjørgvin ved Avdeling for rusmedisin (AFR) sin poliklinikk i Engenhuset.

Poliklinikken i Engenhuset har eit solid og unikt fagmiljø i nasjonal og internasjonal samanheng. Vi arbeider metodisk og systematisk med behandling gjennom vekentleg tverrfagleg rettleiing i team, og samarbeider med fleire solide forskningsmiljø. Rettleiinga går føre seg i team beståande av psykologspesialist og psykolog, spesialist i rusmedisin, psykiater, sosionom og vernepleiar. Teamet er inndelt etter sektor, og har tett samarbeid med Bjørgvin DPS, i tillegg til mellom anna primærhelsetjenesta. Vi har nyleg utvikla eBehandling for pengespelavhengigheit, og skal også ta i bruk eBehandling for alkoholavhengigheit.

Poliklinikken held sentralt til i heilt nye lokale i Håkonsgaten 1 saman med fleire andre seksjonar i avdeling for rusmedisin. Det er kort avstand til kollektivtransport. I poliklinikken er det 41 tilsette, av desse er 9 psykologspesialistar, 11 psykologar og to overlegar. Den tverrfaglege bemanninga består elles av erfarne sosionomar, spesialsjukepleiarar, vernepleiarar og musikkterapeut, samt merkantilt tilsette. Ein sosionom i kvart team tek ansvar for sosialfaglege oppgåver, slik at terapeutane kan ha hovudfokus på terapi og endringsprosessar. I tillegg samarbeider teama med jobbkonsulentar (IPS), som har fokus på å hjelpe pasientar som ønsker det inn i ordinært, lønna arbeid.

Stillinga er ledig frå hausten 2025.

Arbeidsoppgåver

• Utgreiing og behandling av rusavhengige, ofte ROP-tilstandar
• Samhandling og rettleiing av samarbeidspartnarar internt og eksternt mot kommunale tenester
• Deltaking i internt utviklingsarbeid og rettleiing er forventa
• Individualterapi og gruppeterapi

Kvalifikasjonar

• Norsk autorisasjon som psykolog
• Særs gode kunnskapar i norsk, både munnleg og skriftleg
• Erfaring med arbeid innan rusbehandling, psykisk helsevern eller fengsel/ kriminalomsorg vil vere ein fordel

Personlege eigenskapar

• Du bidrar positivt til eit fagleg og kollegialt godt miljø
• Du trivast med å arbeide i eit tverrfagleg miljø og meistrar høgt tempo
• Du har god fagleg vurderingsevne, arbeider målretta og strukturert
• Du må kunne arbeide godt både sjølvstendig og i team
• Du arbeider målretta og toler å stå i krevande situasjonar
• Personleg egnethet

Vi tilbyr

• Lønn etter avtale
• Gode pensjons- og forsikringsordningar
• Triveleg arbeidsmiljø
• Høgt fagleg nivå og engasjement
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.