Case Manager/spesialsjukepleiar eller spesialvernepleiar

Klinikk sikkerheitspsykiatri er ein psykiatrisk spesialklinikk for personar med alvorleg sinnsliding og betydeleg risiko for valdeleg åtferd, eventuelt med kompliserande tilleggsproblematikk som alvorleg personlegdomsforstyrringar og rusmisbruk.

Klinikk sikkerheitspsykiatri består i dag av 5 seksjonar: Regional sikkerheitsavdeling, Lokal sikkerheitsavdeling, Seksjon fengselhelseteneste, Kompetansesenter for sikkerheit-, fengsel- og rettpsykiatri, og Seksjon sikkerheitspoliklinikk.

Seksjon sikkerheitspoliklinikk, med dagtilbod og ambulante tenester blei starta opp i 2022. Tilbodet har som mål å gje eit utvida og meir heilskapleg tilbod til pasientar underlagd dom til tvungen psykisk helsevern og pasientar underlagd tvungen psykisk helsevern som utgjer fare for andre.

Viktige arbeidsoppgåver for sikkerheitspoliklinikken er m.a. å tilby eit meir differensiert pasientforløp for denne pasientgruppa, og tilbodet er med på å styrke rehabiliteringa og betre tilbakeføringa til kommunane. Sikkerheitspoliklinikken har som mål å gje betre pasientbehandling, sikre god tilbakeføring til samfunnet og samstundes sikre samfunnsvernet. I samband med dette søker vi etter 2 sjukepleiarar/vernepleiarar med vidareutdanning som ønsker å ta del i dette viktige samfunnsoppdraget, og vere med på å vidareutvikle tilbodet for sikkerheitspasientar.

Stillingane er 100% faste stillingar knytta til arbeidsoppgåver i sikkerheitspoliklinikken med arbeid hovudsakleg på dagtid 08:00-15:30. Erfaring frå sikkerheitspsykiatri og/eller poliklinkk/FACT vil vera ein fordel.

Teamet av Case managere består i dag av 3 kvinner og 1 mann. For å oppretthalde samansettinga i personalgruppa oppfordrast menn til å søke.

Arbeidsoppgåver

• Psykososial oppfølging av pasientar i poliklinikk gjennom individuelle samtalar
• Ha det overordna ansvaret for behandlingsplan og oppfølging i pasientforløpa (case manager)
• Relasjonsbygging og motivasjonsarbeid for å skape endring
• Ambulant oppfølging av pasientar
• Delta aktivt i å drifte dagavdelingstilbod
• Utstrakt samarbeid med dei andre klinikkane i Divisjon psykisk helsevern i Helse Bergen, primærhelsetenesta og kommunale butilbod i Helse Bergen sitt opptaksområde
• Rettleiing av pårørande, butilbod, og andre samarbeidspartar
• Tett og fleksibelt samarbeid i tverrfagleg team med høg fagleg kompetanse

Kvalifikasjonar

• Norsk autorisasjon som sjukepleiar eller vernepleiar med vidareutdanning innan Rus og psykiatri, SEPREP eller psykisk helsearbeid
• Erfaring frå sikkerheitspsykiatri og/eller poliklinisk verksemd
• Interesse for og kunnskap om risikovurdering, psykoselidingar og alvorleg personlegdomsforstyrringar vi bli lagt vekt på
• Personleg eigenheit for stillinga
• Gode norskkunnskapar, både munnleg og skriftleg
• Førarkort for bil klasse B
• Den som får tilbod om stilling, må legge fram tilfredsstillande politiattest (vandel), jfr psykisk helsevernloven § 4A-7 andre ledd

Personlege eigenskapar

• Behandlar pasientar profesjonelt, empatisk og er imøtekommande
• Held deg roleg, objektiv og kontrollert i stressande situasjonar, og arbeider stabilt under press
• Initiativrik, interessert i og har respekt for kvar enkelt pasient
• Trivast i eit aktivt og travelt miljø
• Har evne til å arbeide strukturert og sjølvstendig og til å ta ansvar
• Er ein god teamarbeidar og liker å jobbe tverrfagleg
• Bidrar positivt til vårt gode arbeidsmiljø
• Etterspør rettleiing

Vi tilbyr

• Eit godt og hyggeleg arbeidsmiljø med fokus på tryggleik og god kollegial støtte beståande av overlegar, psykologspesialistar, spesialvernepleiarar og spesialsjukepleiarar
• 15 000 kroner pr år i særtillegg
• Lønn iht gjeldande overeinskomst
• Grundig opplæring
• Kompetanseutvikling i form av fagdagar, samt deltaking i interne og eksterne kurs
• Spennande og utfordrande arbeidsoppgåver i eit fagfelt som gir anledning til god fagleg og personleg utvikling
  
• Medlemsskap i pensjonsordning, 2% pensjonstrekk, yrkesskadeforsikring, gruppelivsforsikring og tjenestereiseforsikring
• Treningsrom med moglegheit for trening i arbeidstida

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.