Vil du bidra til omstilling av samfunnet til eit klima i endring?

Er du interessert i å jobbe med korleis Noreg kan førebu seg til eit klima i endring, ei av dei største utfordringane samfunnet står i? Er du kunnskaps- og utviklingsorientert og ønskjer å jobbe med komplekse og samansette saker kor ein evnar å sjå løysingar på tvers av fagområde? Da er du kanskje den vi ser etter!

Hos oss får du moglegheit til å vere ein bidragsytar i utviklinga av klimaarbeidet på fagfeltet klimatilpassing og i arbeidet med å utvikle Noregs første nasjonale klimasårbarheitsanalyse. Analysen skal gje oppdatert kunnskap om konsekvensar for heile samfunnet som følgje av at klima endrar seg. I arbeidet vil du vere ein del av ein gruppe i Miljødirektoratet som alle jobbar med klimatilpassing, og du kan rekne med å skulle samarbeide tett med andre direktorat, forskarar og andre aktørar.

Stillinga er midlertidig og plassert i seksjon for arealplan og klimatilpassing. Seksjonen jobbar med ivaretaking av klima- og miljøomsyn i arealplanlegging, og med klimatilpassing retta mot nasjonale myndigheiter og kommunal og regional forvalting. Seksjonen har i dag 17 medarbeidarar. I arbeidet med klimatilpassing rådgjer og støttar vi Klima- og miljødepartementet med å leggje til rette for regjeringa sitt heilskaplege arbeid med klimatilpassing, følgjer opp stortingsmeldinga på klimatilpassing og vi har ansvaret for koordinering av klimatilpassing på statleg nivå. 

Seksjonen har medarbeidarar både på Brattøra i Trondheim og på Helsfyr i Oslo. Geografisk plassering av denne stillinga er på Helsfyr i Oslo.

Stillinga sine hovudansvarsområde

• bidra i prosjektet med å utvikle ei nasjonal klimasårbarheitsanalyse

• oppfølging av andre forventningar frå regjeringa i den nye stortingsmeldinga om klimatilpassing

• delta i ulike utgreiingsoppgåver 

• rådgjeving og støtte til Klima- og miljødepartementet (KLD)
  

Kompetansekrav

Kvalifikasjonar
Du har: 

• fullført utdanning på minimum mastergradsnivå eller meir innafor samfunnsvitskap, naturvitskap eller andre relevante fagområde 

• erfaring frå arbeid med klimasårbarhetsanalysar 

• kunnskap om klimaendringar og klimatilpassing, og gjerne samfunnsomstilling og klimarisiko

• erfaring med utgreiingsarbeid, evalueringsarbeid og arbeid i eller mot offentleg forvalting

• du skriv og kommuniserer svært godt på norsk og nynorsk

Eigenskapar

• du har god samfunns- og forvaltningsforståing

• du er analytisk og har god evne til å vurdere heilskap og samanhengar på tvers av tema og fagområde

• du har interesse for klima, politiske prosessar på klimaområdet og samfunnsutvikling

• du trivast med å jobba i team, men er og sjølvstendig og systematisk

• du er utåtvend og god til å samarbeide med andre for å få jobben gjort

Vi tilbyr

• midlertidig stilling med antatt varigheit til 31.12.2026

• lønn som seniorrådgivar med lønn frå kr 640 000 - kr 830 000 etter erfaring og kvalifikasjonar (særskild kvalifisert søkjar kan vurderast høgare)

• utfordrande arbeidsoppgåver på eit viktig samfunnsområde

• gode høve for fagleg og personleg utvikling

• eit breitt tilbod av sosiale, kulturelle og sportslege aktivitetar inkludert trening i arbeidstida 

• fleksible arbeidstidsordningar, og pensjons- og bustadlånordningar i Statens pensjonskasse
  

Har du spørsmål?

Kontaktperson for stillinga er fagdirektør Bjørn Bjørnstad, telefon 99 44 03 35. Epost bjorn.bjornstad@miljodir.no.

Oppgi referansenummer 41-2025 LAK når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0). Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa (https://www.miljodirektoratet.no/personvernerklaring/) vår.