Er du vår nye avdelingsleiar på Luranetunet Bu og Behandlingssenter?

Brenn du for god leiing? Bankar hjarte ditt ekstra varmt for demensomsorga? Er du oppteken av systematiske og målretta utviklingsarbeid? Då vil vi gjerna snakka med DEG!

Vi har ledig stilling som avdelingsleiar på avdeling Bergheim.

Vi ønskjer ein leiar som:

• Har interesse for demensomsorg og miljøterapeutisk arbeid Har brennande interesse for leiing og utvikling av tenestene.
• Skaper gode relasjonar.
• Har gode kommunikasjons og samarbeidsevner.
• Liker og har evne til å motivera og engasjera sine medarbeidarar og kollegaer.
• Har god forståing for vårt samfunnsoppdrag i kommunal eldreomsorg.
• Er tydeleg, arbeider målretta og har gjennomføringskraft.
• Har evne til å strukturera og koordinera arbeid i ein hektisk kvardag.
• Er positiv, kreativ og løysningsorientert.
• Er raus, fleksibel og open for endringar og nye initiativ som kan skapa betre løysingar.

Kvalifikasjonar:

• Fortrinnsvis autorisert sjukepleiar eller vernepleiar. Andre kvalifikasjonar kan bli vurdert.
• Vidareutdanning i geriatri/psykisk helse er ein fordel men ikkje eit krav.
• Vidareutdanning i leiing vil være ein fordel. Leiarerfaring kan erstatta manglande leiarutdanning.
• God datakunnskap og kjennskap til dokumentasjonsprogrammet Profil eller andre PLO system vil vera ein fordel.
• God norsk munnleg og skriftleg framstillingsevne.

 Personlege eigenskapar vil bli lagt vekt på.

Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet

Arbeidsoppgåver:

• Avdelingsleiar skal, saman med einingsleiar, vere med på å utvikle tenesta, bidra til felles kulturbygging og legge til rette for god intern organisering.
• Saman med einingsleiar har avdelingsleiar fagleg, økonomisk og administrativt ansvar.
• Avdelingsleiar rapporterer til einingsleiar.
• Være ein del av leiarteam som skal sikre bærekraftige tenester.
• Ha ansvar for dagleg drift og arbeidsplanar.
• Utøva personalansvar i tråd med retningslinjer og lovverk.
• Rettleia tilsette i faglege og etiske dilemma.
• Utarbeida, forvalta og vidareutvikla gode system som sikrar at brukarane sine rettar vert teken i vare.
• Medverka til utvikling av gode tenester i Pleie- og omsorgstenestene i Bjørnafjorden. 
• Stillinga innber arbeid på dagtid måndag til fredag. Det er avsatt tid til administrativ tid og leiing. Resten av stillinga er pasientnært arbeid i avdeinga

 Bergheim er ei institusjonsavdeling for 14 bebuarar med sjukdomen demens eller stor kognitiv svikt. Avdelinga er delt i to grupper og har bebuarar som treng ekstra skjerming og/eller særleg tett oppfølging. I arbeidet vårt legg vi stor vekt på miljøarbeid /-terapi. Vi har eit godt arbeidsmiljø der vi gjer kvarandre gode og der vi er oppteken av høg fagleg kvalitet. Fleire i personalgruppa har vidareutdanning innan psykisk helse/demenssjukdom. Luranetunet har også fast tilsette sjukeheimslegar.

Luranetunet bu- og behandlingssenter ligg kun nokre minuttars køyring frå Bergen. Vi rommar 2 korttidsavdelingar, 8 langtidsavdelingar og serviceavdelingar reinhald, vaskeri, kjøkken og teknisk drift. Luranetunet sin visjon er «Varme og vekst i samspel». Visjonen spring ut av den flotte, overbygde tropehagen på 1300 m2 i sentrum av Luranetunet. Her er det varmt og godt heile året. Hagen er ein god plass å vere for bebuarar, pårørande og tilsette - og alt anna som veks og trivst når vi legg til rette for det. Ute har vi sansehage med lysthus, bærbuskar, tre og planter. Varme og vekst står for den gode omsorga bebuarane våre skal oppleve, den personlege og fagleg utviklinga vi ønskjer for dei tilsette, og den varme velkomsten vi vil gi til pårørande og andre som kjem på besøk til oss.

Vi gjer merksam på at du må leggja fram politiattest.

Vi tilbyr:

• Faglege og personlege utfordringar i eit godt og inspirerande arbeidsmiljø.
• Gode pensjons- og forsikringsordningar og løn etter avtale.
• Arbeid i ei verksemd i utvikling og moglegheit til å vera med å bidra.
• Vi arbeidar for å få etablert heiltidskultur i kommunen

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.