Vil du styrke vår kommunikasjon?

Vi søker ein engasjert kommunikasjonsmedarbeidar som brenn for klart språk og god kommunikasjon. Du er dyktig til å tilpasse språket ditt til ulike målgrupper og ønsker å hjelpe andre med å gjere det same.

Velkomen til å søke på dette to-årige engasjementet!

• Produsere og publisere profesjonelt og brukartilpassa innhald på nettsidene våre.
• Bruke Siteimprove for å kvalitetssikre nettsida og sikre universell utforming.
• Produsere og publisere innhald på våre sosiale media, inkludert tekst, lyd, film og bilete.
• Bidra til å gjere heile organisasjonen meir effektiv og klar i språket.
• Språkvask for å sikre god formidling som mottakarane forstår.
• Bruke kunstig intelligens for å effektivisere tekstproduksjonen.

• som har høgskule- eller universitetsutdanning innen journalistikk eller kommunikasjon, minimum bachelor. I særskilte tilfelle kan manglande formell utdanning kompenserast med lang og relevant praksis kombinert med anna relevant universitet- og høgskuleutdanning.
• skriv godt nynorsk.

• elskar å skrive og har ein lidenskap for å forklare kompliserte fag med eit klart og godt språk.
• har journalistisk erfaring eller erfaring frå arbeid med klarspråk.
• har god skriftleg og munnleg formidlingsevne på norsk (nynorsk skriftspråk).
• har erfaring med å tilpasse kommunikasjon til ulike målgrupper.
• kan bruke publiseringsverktøy og har gjerne erfaring med Siteimprove.
• har erfaring med å produsere innhald for ulike media.
• er open for, og gjerne har erfaring med å bruke kunstig intelligens for å betre tekstproduksjonen.

• ein stabil arbeidsgivar med fleksibel arbeidstid
• tilsetting etter gjeldande lover, instruksar og reglement. Dei første seks månadene er prøvetid
• medlemskap i ei av landets beste pensjonsordningar, Statens pensjonskasse (SPK). Vi trekker 2 prosent av løna di, og i tillegg betaler vi eit innskot til pensjonsordninga di. I SPK får du særs gode pensjons- og forsikringsordningar samt gunstige vilkår for lån til bustad (https://spk.no/Medlemskap-i-SPK)
• moglegheit for noko heimekontor når det er føremålsteneleg
• høve til å trene i arbeidstida

Les meir om godane ved å jobbe i staten på Arbeidsgiverportalen (https://arbeidsgiver.dfo.no/lonn-goder-og-reise)

Som vår nye kollega vil du få ein utfordrande jobb i eit utviklande og godt fagmiljø

Vi bruker som hovudregel nynorsk som skriftspråk. Den som vert tilsett må beherske norsk både skriftleg og munnleg.
Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.

Eit godt arbeidsmiljø er prega av mangfald. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til ei enda betre oppgåveløysing. Vi oppfordrar difor alle kvalifiserte kandidatar til å søkje utan omsyn til alder, kjønn, funksjonsevne eller etnisk bakgrunn. Du er også velkomen til å søkje sjølv om du ikkje kan vise til ein samanhengande yrkeskarriere. Vi legg til rette for medarbeidarar som har behov for det.

Har du ei funksjonsnedsetting, hol i CV-en eller innvandrarbakgrunn, kan du bli positivt særbehandla om du set kryss for dette når du søkjer stillinga. Du kan lese meir om dette på arbeidsgivarportalen (https://arbeidsgiver.dfo.no/positivsaerbehandling).

Alle som søkjer stillinga må søkje digitalt. Når søknadsfristen går ut, vurderer vi søknaden din på bakgrunn av informasjonen du har sendt oss. Det er difor viktig at du både i søknadsbrevet og CV-en, viser korleis kompetansen din fyller krava som er satt i utlysinga.

Det er viktig at du registrere all relevant utdanning og erfaring i profilen du opprettar i rekrutteringssystemet (sjølv om du legg ved ein ferdigutfylt CV). Dette er mellom anna nødvendig for å ivareta kravet om fullstendig søkjarliste.

Relevante vitnemål og attester lastar du opp. Vitnemål og/eller karakterutskrifter kan du gjerne hente frå vitnemålsportalen. Har du utdanning frå utlandet, legg du ved godkjenning frå NOKUT/Direktoratet for høyere utdanning og kompetanse. Vedlegg lastar du opp i PDF-format.

Offentleg søkjarliste blir utarbeidd etter søknadsfristens utløp. Om du ønskjer å reservere deg frå den offentlege søkjarlista, må du grunngje dette særskilt. For at vi skal kunne vurdere ønskjet ditt om reservasjon, må du grunngje konkret kva for ulempe det vil ha for deg å stå på den offentlege søkjarlista. Du vil bli varsla om ønsket ditt ikkje vert tatt til følgje. Vi gjer merksam på at søkjarlista kan bli offentleg sjølv om du som søkjar ber om anonymitet jf. offentleglova § 25.

Statsforvaltaren er Kongen og Regjeringa sin fremste representant i fylket. Vi har ansvaret for å informere om statleg politikk og sette handlingsplanar ut i livet. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter. Dette gjeld innan kommuneøkonomi og forvaltning, sosial- og familierettslege saker, samfunnstryggleik og beredskap, helse, utdanning, landbruk og miljøvern. Vi er ein kompetansearbeidsplass med om lag 150 medarbeidarar som jobbar for visjonen vår «Trygg framtid for folk og natur».

Har du spørsmål om stillinga? Ta gjerne kontakt med rekrutterande leiar Helge Mogstad på telefon (Norge +47) 92642280.

Søknadsfrist: 21.April 2025