Økonomisjef til Det Norske Teatret

ØKONOMISJEF TIL DET NORSKE TEATRET

Har du lyst til å jobbe med økonomistyring i ein spennande kulturinstitusjon?

Vi er på utkikk etter ein fagleg dyktig økonomisjef som meistrar høgt tempo og langsiktig planlegging i eit hus prega av raske sceneskift.  Økonomisjefen skal, saman med direktøren, sikre at teateret har ein sunn økonomi, slik at vi kan halde fram med å ta kunstnarleg risiko, skape høg kvalitet og tilby eit breitt repertoar. 

Økonomisjefen får mellom anna ansvar for økonomistyring, finansiering, framskrivingar, analysar, budsjettering, rekneskap og innkjøp. Vi brukar økonomisystemet Xledger.

Leiaren for området har i dag personalansvar for tilsette på økonomi- og personalområda og er medlem av leiargruppa.

Vi ønsker oss ein medspelar som òg kan bidra i strategiske spørsmål. Det vil vere ein klar fordel om du har erfaring med eller kompetanse på arbeid med prosessforbetringar og bruk av data og teknologi for å effektivisere drift på fleire område. 

Vi ser etter ein tydeleg og lyttande person med leiarerfaring, gjerne frå kulturfeltet, og med relevant høgare utdanning. Erfaring med økonomistyring i større verksemder er nødvendig, like eins dokumentert evne til å planlegge over tid og systematisk nå mål. Vi ønsker oss ein økonomisjef som er ein sikker analytikar, som òg kan formidle funn så dei blir forstått.

Søkarar bør vere gode i både norsk og engelsk, gjerne også nynorsk, og ha høg arbeidskapasitet. 

Vi tilbyr:

• ei nøkkelrolle bakom scena på Noregs største teater og scenekunst i rikt monn

• eit mangfaldig og ambisiøst arbeidsmiljø med utfordrande og varierte oppgåver

• lønn etter avtale og gode kollektive pensjons- og gruppelivsforsikringar

Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søke. 

Spørsmål om stillinga kan rettast til vår rekrutteringsrådgivar Kolbjørn Preus, tlf. 40403553, eller direktør Irene Halvorsen, tlf. 90787465. 

Vi gler oss til å høyre frå deg!