Utdanningsleiar maritime fag - Studiestad Nygård

Med om lag 2000 studentar er Fagskulen Vestland ein av dei største fagskulane i landet. Fagskulen utdannar mellom anna morgondagens prosjektleiarar og mellomleiarar. Fagskulen Vestland har åtte studiestadar frå Måløy i nord til Stord i sør. Vi er om lag 200 tilsette og har eit utviklingsorientert arbeids- og læringsmiljø. Fagskuleutdanning er ei høgare yrkesfagleg utdanning, som byggjer på vidaregåande opplæring eller tilsvarande realkompetanse.
Fagskuleutdanninga har høg arbeidsrelevans og våre uteksaminerte studentar er attraktive i arbeidsmarknaden. Utdanninga gir studentane ein kombinert praktisk og teoretisk kompetanse som kvalifiserer til stillingar som krev både teknisk innsikt og leiarkompetanse. Vil du bli vår nye utdanningsleiar innan maritime faga våre ved Studiestad Nygård?
Avdelinga søkjer ny leiar for dekksoffiser og maskinoffiser utdanninga. Fagskulen Vestland er den største fagskulen i landet innan maritime fag. I tillegg har vi også utdanningar innan desse faga i Måløy og på Austevoll. Det er eit tett og godt samarbeid mellom desse avdelingane.
Utdanningsleiar inngår rektor si leiargruppe og har medansvar for utvikling av Fagskulen Vestland i samsvar med strategi, målsetjingar og verdigrunnlag for Fagskulen Vestland og Vestland fylkeskommune.
Avdelinga opplev ein sterk auke i søkjartala og det er ønskeleg at ein arbeidar med å utvide kapasitet ved utdanningane. Dette er særs viktig både for arbeidslivet og mogelege framtidige studentar.

Arbeidsoppgåver

• Utvikle skulen i samsvar med mål og visjon for Fagskulen Vestland
• utvikle nye utdanningstilbod i samarbeid med arbeidslivet
• Videreutvikle ein god KS kultur ved eininga- delta på ulike revisjonar
• Sikre eit trygt og godt læringsmiljø og god medverknad frå studentane
• Sikre eit godt arbeidsmiljø for dei tilsette, fagleg utvikling, god medverknad og kulturbygging
• Delta aktivit i leiargruppa og bidra til at vi vert eit samla og effektivt team
• Leie strategi- og utviklingsprosessar
• Leie avdelinga sitt pedagogiske utviklingsarbeid og kompetanseutvikling
• Personalleiing
• Videreutvikle kontakt med næringsaktørane innan dei maritime faga
• Legge til rette for digitalisering og nyskaping i utdanningane
• Delta i nasjonale fora som er relevante for stillinga
• Økonomistyring

Kvalifikasjonar

Det er ein fordel at søkjar har erfaring frå tilsvarande stilling i opplæringssektoren. Leiarerfaring frå utdanningsinstitusjoner vil bli vektlagt.

Det er vidare ønskeleg at du:

• har gode leiareigenskapar, relevant leiarerfaring og leiarutdanning
• set studentane si læring og deira utvikling i sentrum for skulen sitt arbeid
• byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling
• vidareutviklar godt arbeidsmiljø og ytringsklima for tillit og samhandling
• har god kjennskap til maritime utdanningar og relevant erfaring
• markerer skulen som ein sentral utdanningsinstitusjon innan dei maritime faga
• opptrer tydeleg som arbeidsgivar og gjennomfører Fagskulestyret, politiske og administrative vedtak
• har praksis frå utviklingsarbeid og god gjennomføringsevne
• forståing for god økonomistyring

Personlege eigenskapar

Din leiingspraksis er kjenneteikna av at du er:

• open, nytenkjande og byggjer relasjonar prega av tillit
• har evne til å skape tryggleik i krevjande situasjonar
• har gode samarbeidsevner og er samlande, sosial og inkluderande
• har evne til å arbeide målretta, systematisk og løysingsfokusert

Vi tilbyr

• givande arbeid med studentar ved Fagskulen Vestland i eit arbeidsmiljø med høg fagleg kompetanse
• ein raus organisasjonskultur der vi vil kvarandre vel, ser kvarandre og bidrar til fellesskapet
• deltaking og fellesskap i rektor sin leiargruppe
• løn etter avtale
• fylkeskommunale tilsetjingsvilkår med gode pensjons- og forsikringsordningar

Fagskulen Vestland legg vekt på godt samarbeid, tett dialog og oppfølging mellom rektor og utdanningsleiar.

Tilsetting skjer på grunnlag av lov- og avtaleverk.