100% engasjement som rådgivar

Vi er i ein spennande fase der vi skal fullføre viktige styringsdokument for landbruket i Bjørnafjorden, Tysnes og Samnanger kommune. Til dette arbeidet søkjer vi ein ny medarbeidar med relevant høgare utdanning, erfaring frå landbruk og offentleg forvaltning. Det vil bli lagt særleg vekt på evne til sjølvstendig arbeid og erfaring med planarbeid. Erfaring med digitale verktøy og kjennskap til jordvern og konsesjonsregelverk er ein fordel. 

Du vil få ansvar for både skrivearbeid, koordinering og saksbehandling og du vil spele ei sentral rolle i utviklinga av vår temaplan for landbruk og ny jordvernstrategi.

Vi ser etter deg som trivst med komplekse oppgåver, har god forståing for landbruk og planlegging, og som gjerne arbeider sjølvstendig men som òg bidreg til at vi held retning og framdrift som team. Det viktigaste er at du har lyst til å bruke kunnskapen din til å skrive, formidle og utvikle godt landbruksfagleg innhald i ei kommunal ramme.

Stillinga er eit engasjement i 100% med varigheit på eitt år, og det kan vere mogelegheit for forlenging.

Arbeidsoppgåver:

• Vere ansvarleg for skrivearbeid og koordinering av temaplan landbruk for tre kommunar
• Leie arbeidet med jordvernstrategi
• Delta i arbeidsgruppe for arealplan i to kommunar
• Handsame konsesjonssaker og delvis saker etter jordlova

Kvalifikasjonar:

• Utdanning innan landbruk, jus, planlegging, samfunnsfag eller anna relevant fagfelt
• Minimum treårig høgare utdanning frå høgskule eller universitet. Lang relevant praksis kan kompensere for utdanningskravet
• God erfaring frå landbruk, offentleg forvaltning
• God skriftleg og munnleg framstillingsevne
• Evne til å arbeide sjølvstendig og strukturert, og samtidig halde kollegaer og leiing oppdatert
• Førarkort klasse B og tilgang til eigen bil

I tillegg er det ein fordel om du har:

• Erfaring frå kommunalt planarbeid
• Kjennskap til konsesjonslova og jordlova
• Erfaring med digitale forvaltningssystem (som WebSak eller tilsvarande)
• Interesse for bruk av digitale verktøy vi er eit framoverlent fagmiljø på digitalisering
• Kjennskap til GIS og kartverktøy

Vi tilbyr:

• Eit fagleg sterkt og triveleg miljø med høg grad av tillit og sjølvstende
• Varierte og meiningsfulle arbeidsoppgåver som påverkar utviklinga av landbruket i tre kommunar
• Kontorplass i Os eller Eikelandsosen, med mogelegheit for delvis heimekontor
• Gode høve for fagleg utvikling
• Lønn etter gjeldande avtalar