Vil du jobbe med vatn, forureining og miljøgifter?

Er du oppteken av godt vassmiljø og ønskjer å bidra til forvaltninga av elver, innsjøar og kystvatn?  Vi styrkjer no laget, og vi ser etter deg som kan bidra innanfor tema forureining og miljøgifter.  

Regelverket er i utvikling, og vi treng deg som kan støtte opp under arbeidet med miljøgifter og vassforskrifta. Du vil delta i europeiske arbeidsgrupper, samarbeide tett med  andre seksjonar, og jobbe med overvaking av miljøtilstanden i Noreg gjennom overvakingsprogramma Miljødirektoratet er ansvarleg for. Ei anna viktig oppgåve er utvikling av klassifiseringssystemet for vatn, her har vi behov for ein dyktig medarbeidar som skal ha særleg fokus på kjemisk tilstand. Stillinga inneber tverrfagleg jobbing, og samarbeid på tvers av styresmakter og fagmiljø.

Seksjonen vår er ansvarleg for å koordinere arbeidet som følgjer av vassforskrifta, noko som inneber samarbeid mellom styresmakter på lokalt, regionalt og nasjonalt nivå. Vi samarbeider og med andre nordiske land og deltek i EØS-arbeidet i den felles europeiske strategien for gjennomføring av vassdirektivet. Seksjonen arbeider med restaurering av vassdrag og har det nasjonale ansvaret for kalking av vassdrag. Vi kartlegg sårbare og trua ferskvassøkosystem og har ansvar for kunnskapsbasane Vannmiljø og Vann-Nett. I tillegg koordinerer seksjonen arbeidet med Heilskapleg plan for Oslofjorden, handterer jordbruksforureining og koordinerer jordbruksrelatert arbeid i direktoratet. Vasseksjonen består av eit breitt fagleg team som jobbar saman for å forbetre vassmiljøet.

Seksjonen har 17 engasjerte og dyktige medarbeidarar med kontorstad både i Trondheim og Oslo. I løpet av våren 2025 kjem det tre personar til - kanskje ein av dei er deg? 

Stillinga er fast og har kontorstad i Oslo.

Stillinga sine hovudansvarsområde

• utvikling og oppdatering av klassifiseringssystem under vassforskrifta
• deltaking i europeiske arbeidsgrupper 
• bidra i utvikling av miljøovervakingsprogram
• delta i andre oppgåver i fagområda til seksjonen

Kompetansekrav

Kvalifikasjonar

• relevant utdanning på mastergradsnivå, til dømes innan kjemi, biologi, økotoksikologi eller tilsvarande
• gode formidlings- og kommunikasjonsevner, skriftlege og munnlege, både på norsk og engelsk
• kjennskap til regelverket innan vassforvaltning, inkludert vassforskrifta, og /eller erfaring i bruk  av fagsystema Vann-Nett og/eller Vannmiljø vil telje positivt. 

Vi ser etter deg som:

• har gode samarbeidsevner 
• er sjølvstendig og løysingsorientert
• har god rolleforståing og ser heilskap og samanheng i arbeidet
• er strukturert og sikrar framdrift i oppgåver

Vi tilbyr

• fast stilling med lønn som rådgivar/seniorrådgivar frå kr. 560 000 til kr 830 000 etter erfaring og kvalifikasjonar. Særskilt kvalifisert søkjar kan vurderast noko høgare.
• utfordrande arbeidsoppgåver på eit viktig samfunnsområde
• gode moglegheiter for fagleg og personleg utvikling
• eit breitt tilbod av sosiale, kulturelle og sportslege aktivitetar - inkludert trening i arbeidstida
• fleksible arbeidstidsordningar og pensjons- og bustadlånsordningar i Statens pensjonskasse (https://www.spk.no/)

Har du spørsmål?

Kontaktperson for stillinga er seksjonsleiar Kjersti Solvoll, tlf. +47 48 13 28 66 eller e-post kjersti.solvoll@miljodir.no.
Oppgi referansenummer 26-2025 VVA når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0). Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa (https://www.miljodirektoratet.no/personvernerklaring/) vår.