Rådgivar/saksbehandlar

Sula kommune ønsker å vere ein attraktiv arbeidsgivar som rekrutterer, vidareutviklar og held på dyktige og engasjerte medarbeidarar. No har vi ledig stilling i avdeling for plan, byggesak og geodata. Avdelinga er organisert under kommunalområdet Samfunn. Her arbeider vi i hovudsak med saksbehandling etter plan- og bygningslova, utarbeiding av arealplanar, geodata/kart og oppmåling.

Stillinga vil ha oppgåver knytt til rådgiving, saksbehandling og planarbeid.
Vi ser føre oss at du får ein variert og spennande arbeidskvardag som vil gi deg både fagleg og personleg utvikling.

Kontakt oss gjerne om du har andre spørsmål om stillinga.

(Foto: Dagrun Lorgen Sæhaug)

Arbeidsoppgåver

Rådgiving, saksbehandling og planarbeid.
Rådgivingsoppgåver vil i hovudsak være knytt til kommunale planar og vil involvere deg i kommunen si overordna planlegging. Desse oppgåvene løysast i nært samarbeid med samfunnsplanleggar og andre rådgivarar i kommunedirektøren sitt rådgivarteam.
Saksbehandlingsoppgåver vil være etter plandelen i plan- og bygningslova. Du vil også ha ansvar for saksbehandling innan fagfelta vilt, landbruk og motorferdsel i utmark, dog i mindre omfang.
Sula kommune arbeider aktivt med omstilling med mål om betre kvalitet på tenestane, rasjonalisere arbeidsprosessar og legge til rette for at brukarar/søkarar i størst mogleg grad kan løyse oppgåver sjølvstendig. Digitalisering og nye arbeidsmåtar innan alle fagfelt utviklast kontinuerleg og du vil ha ei viktig rolle også i dette arbeidet.

Andre oppgåver kan verte aktuelle.

Kvalifikasjonar

Relevant høgare utdanning på bachelornivå innan planarbeid, administrasjon, organisasjonsarbeid og eller liknande.
Søkarar med relevant erfaring kan vurderast sjølv om formell utdanning er på lågare nivå.
God digital- og systemforståing med kompetanse på relevante digitale verktøy.
Gode skriftlege og munnlege kommunikasjonsevner.
Kjennskap til kommunal verksemd, relevant lovverk og offentleg forvalting er ein fordel.

Personlege eigenskapar

Du er løysingsorientert, fleksibel og nytenkande.
Du er sjølvstendig, tek initiativ og ser oppgåvene som skal og må løysast.
Du er påliteleg, engasjert og har god arbeidskapasitet.
Du motiverer, er positiv og bidreg til gode arbeidsfellesskap.

Vi tilbyr

Ein arbeidskvardag saman med flinke og engasjerte kolleger.
Kort og rask veg til støtte og veiledning om du treng det.
Fleksitidsordning.
Gratis parkering, gode kollektivtilbod og fint kontor på rådhuset i Langevåg.
God offentlig tenestepensjon i KLP med gode lån og forsikringsvilkår.
Lønn etter avtale.