Vi treng ein Kompetanseutviklar. Er du den rette?

Vi søkjer ein engasjert og kreativ Kompetanseutviklar som kan bidra til å forme og implementere våre strategiar for kompetansebygging i Sogn. Er du ein relasjonsbyggjar med interesse for kompetanse og samfunnsutvikling? Då ynskjer vi å komme i dialog med deg!

Dine hovudoppgåver vil inkludere: 

• Leie og delta i prosjektarbeid

• Utvikling og gjennomføring av kurs og opplæringsprogram. 

• Samarbeid med lokalt næringsliv og offentlege aktørar for å forstå og møte deira kompetansebehov. 

• Bidra til kontinuerleg forbetring av kurs og kompetansehevingsarbeid.

• Arrangere og formidle kurs som engasjerer og inspirerer deltakarar. 

• Samarbeid om utvikling av Sogn Kompetanse som studiesenter i Vestland.

Ynskja kvalifikasjonar: 

• Relevant høgare utdanning, fortrinnsvis innan utdanning, bedriftsutvikling eller tilsvarande. 

• Erfaring med kursutvikling og kompetansebygging, innan både privat og offentleg sektor. 

• Sterke samarbeids- og kommunikasjonsevner. 

• Evna til å arbeide sjølvstendig og som del av eit team. 

• Kreativitet og evne til å tenke nytt. 

• Evna til å byggje langsiktig gode relasjonar 

Vi tilbyr: 

• Eit nyetablert studiesenter i godt samarbeid med etablerte aktørar i Vestland.

• Ei nøkkelrolle i ein spanande og vekstorientert organisasjon. 

• Moglegheit til å arbeide tett med eit mangold av bedrifter og offentlege instansar. 

• Eit dynamisk og støttande arbeidsmiljø i Årdal Teknologipark. 

• Vere del av Grøn Hub Årdal Teknologipark – ein Hub i Grøn region Vestland.

• Konkurransedyktige lønns- og arbeidsvilkår. 

• Fleksibel arbeidstid

Sogn Kompetanse er lokalisert i Årdal Teknologipark og skal ha ein aktiv rolle i Årdal Utvikling/Årdal kommune sin kompetansestrategi. Dette inneber ein arbeidskvardag der kompetanse og utdanning skal koblast tett opp mot næringslivet sitt behov. Rekruttering, teknologiutvikling, grøn omstilling og desentral utdanning vil stå i fokus.» Årdal Teknologipark er ein arena for kompetanse og innovasjon, der Sogn kompetanse si rolle er å legge til rette for eit attraktivt utdannings- og kompetansemiljø for både elevar, studentar og arbeidstakarar. Selskapet skal være med på oppbygging av desentraliserte kompetansetilbod og arbeide tett med dei andre selskapa i teknologiparken innan kompetanseheving, teknologi, forretningsutvikling og grøn omstilling. Sogn Kompetanse AS er ein av 4 etablerte studiesenter i Vestland Fylkeskommune, med nedslagsfelt i Årdal, Lærdal, Luster, Aurland, Vik og Sogndal. Årdal Teknologipark er eigd av Årdal Utvikling, og øvrige selskap som arbeidar aktivt gjennom Årdal Utvikling sine strategiplanar er Sogn Opplæringskontor og Sitep.