Volkswagen California Coach TDI

Beskrivelse

Fin VW California med original Westfalia-innredning. Bilen har tidlegare gått mykje på langkøyring, og er i god stand for alderen. I løpet av dei siste 6-7 åra er bilen reparert, vedlikehalden, rustbehandla og oppgradert for totalt like mykje som salsprisen. Det meste er gjort på verkstad, og mitt eige arbeid er ikkje rekna med. Prisen er difor heller for låg enn for høg.

California er ein klassisk campervan, som skapt for smale vestlandsvegar og enkel camping i det fri. Fleksibel i bruk. Like lett å køyre som ein vanleg personbil, og like enkel å parkere -både i byen, ute ved havet eller langs ein fjellveg.

Eg har ein bil for mykje, så Californiaen står for ofte ubrukt. Difor vurderer eg å selje, men ikkje på billegsal. Bilen har sidan 2019 ikke vore brukt om vinteren. Det følgjer med nesten ubrukte vinterhjul.

Utstyr:

• Eberspächer dieselvarmar (tilsvarande Webasto)
• 180 Ah bodelsbatteri
• Inverter (gjer om batteristrøm til vekselstrøm så du kan lade mobil, pc/mac, eller koble til andre el.artiklar som ikkje trekkjer så mange watt)
• Kjøleskap (boks)
• Kjøkkeninnredning med to gassbluss, det eine med ny topp. Nye pakningar.
• Full gassflaske følgjer med.
• Tilhengarfeste
• Pioneer bilstereo med god lyd. Høgtalarar også bak i bodelen. USB og mini-jack inngang.
• DAB-radio med antenne (ettermontert).
• Ryggekamera (ettermontert)
• Takbøyler (Thule wingbar)
• Piggfrie vinterdekk på felg.
• Fortelt kan følgje med om ønskjeleg. (Ubrukt av meg.)

Vedlikehald og reparasjonar:

• EU-godkjend juni 2023. Neste kontroll 7. juni 2025.
• Ny registerreim, vannpumpe og reim for dieselpumpe. (Dale Servicesenter, 8/8 -23.)
• Vanleg service med ny motorolje aug. 23.
• Tetta mindre lekkasje over frontruta aug -23.
• Fjerna rust langs skjermkantar m.m. Grunna og lakkert.
• Tatt ut alle deksel ved dørene, sjekka for rust, grunna og lakkert.
• Mindre sår i lakken (steinsprut) er grunna og lakkert.
• Venstre bakdekk er vulkanisert og tetta etter liten skade (Førde Vulk).
• Lampefot var knekt i bodel. Er erstatta med ny LED-lampe.
• Bilen vart understellsbehandla med lanolin i 2019. Ikkje brukt om vinteren sidan.
• Ny understellsbehandling (Lanofilm) i september -23.
• Svinghjul, clutch og slavesylinder skifta 2021 (Autotjenester AS)
• Nytt startbatteri (100 Ah) mai 2022 (Bergen Batteriservice)
• Dynamo 2020 (Fixbil Møllendal)
• Del av venstre kanal skifta i 2019 (Fixbil Møllendal)
• Bremseskiver og klossar nye i des 2018 (Fixbil Møllendal)
• Nytt bodelsbatteri juli 2018, oppgradert til 180Ah AGM deepcycle. (Bergen Batteriservice)
• Radiator 2017 (Fixbil Møllendal)
• Ny frontrute 2017

Verdt å merke seg:

• Litt vanskeleg å få vatn i kranen i kjøkkendelen etter at tanken var tømt for vinteren og fylt på nytt i vår, men det er i orden no. Usikker på om vassmålaren virkar som den skal. 
• Benken bak (som ein gjer om til seng) kan virke litt treg av og til. Litt smøring (spray) bør brukast regelmessig.
• Mange slitedelar har vore skifta på bilen dei siste åra. Det er likevel uråd å gje garanti på ein så gammal bil. Bakre del av eksosanlegget (delepris ca. 1500) bør bytast snart.