Psykiatrisk sjukepleiar/ vernepleiar
Helse Bergen - Kronstad Distriktpsykiatriske Senter (DPS) / Psykosepoliklinikken
- Frist 19.8.2018
- Ansettelsesform Fast
Psykiatrisk sjukepleiar/ vernepleiar
Kronstad Distriktpsykiatriske Senter (DPS) er eit vaksenpsykiatrisk lokalsjukehus for bydelane Årstad, Bergenhus og Ytrebygda i Bergen kommune og har ansvar for ca. 90.000 menneske over 18 år. Kronstad DPS er lokalisert i eit nytt og moderne bygg på Danmarksplass.
Psykosepoliklinikken tilbyr spesialisthelsetenester til personar som har ei psykoseliding. Som ein av dei første i landet har vi organisert poliklinikken i to team som arbeider etter FACT-modellen. FACT står for Flexible Assertive Community Treatment , og kan omsettast til fleksibelt, aktivt og oppsøkande behandlingsteam. Vi har både poliklinisk og oppsøkjande behandling av pasientar. I kritiske fasar kan eit FACT-team tilby tettare oppfølging for å kunne førebyggje kriser, hindre at pasienten må innleggjast og bidra til å stabilisere ein vanskeleg situasjon.
Poliklinikken har eit godt, veletablert og fleirfagleg arbeidsmiljø som består av overlegar/psykiatrar, psykologar/psykologspesialistar, psykiatriske sjukepleiarar/vernepleiarar, erfaringskonsulentar, ergoterapeut, sosionomar og jobbspesialistar. Vi har no ledig ei fast 100% stilling, og søkjer etter ein psykiatrisk sjukepleiar/vernepleiar som vil vere med på å ivareta og vidareutvikle tilbodet til pasientgruppa.
Arbeidsoppgåver
- Poliklinisk og ambulant, utretta behandling og rehabiliteringsarbeid av vaksne pasientar med alvorleg psykisk liding
- Behandleransvar og kartleggingsoppgåver
- Pasientoppfølging og miljøterapi etter FACT-modellen
- Utstrakt grad av oppsøkjande verksemd og arbeid i tverrfagleg team
- Samhandling med kommunale tenester og spesialisthelsetenesta
- Arbeidet er hovudsakleg på dagtid, men noko arbeid om ettermiddag og kveld må påreknast
Kvalifikasjonar
- Minimum 3-årig høgskule (sjukepleiar/vernepleiar)
- Vidareutdanning i psykisk helsearbeid og/eller rus
- Ønskjeleg med kunnskap og kompetanse innan kognitiv terapi og recovery-orientert behandling
- Brei klinisk erfaring frå psykiatri/rus og arbeid med målgruppa i spesialisthelsetenesta og/eller det kommunale tenesteapparatet - særleg oppsøkjande arbeid
- Ønskjeleg med erfaring frå somatikk
- Søkjar må ha norsk autorisasjon og førarkort kl. B.
Utdanning
- Høgskule/universitet, diplom-/ bachelorgrad
- Sjukepleie
- Vernepleie
Eigenskapar
- Du er motivert, fleksibel, interessert og har respekt og engasjement for pasientar med psykoselidingar
- Du er tilpassingsdyktig, løysingsorientert, ansvarsfull og taklar stressande situasjonar med tryggleik og fagleg haldning
- Du har særs gode evner til kontaktetablering og er nettverkskyndig
- Du har tolmod, evne til å jobbe langsiktig og har god arbeidskapasitet
- Du bidrar til eit godt arbeidsmiljø
- God munnleg og skriftleg framstillingsevne
- Det vil bli lagt stor vekt på at søkjar er personleg skikka til stillinga
Vi tilbyr
- Stillingsbrøk: 100%
- Eit spennande og engasjert arbeidsmiljø med store faglege ambisjonar
- Gode høve til personleg og fagleg utvikling
- Utfordrande og varierte arbeidsoppgåver
- Lønn i samsvar med gjeldande overeinskomst
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor: Offentlig
- Sted: Fjøsangerveien 36, 5054 Bergen
- Bransje: Helse og omsorg
- Stillingsfunksjon: Vernepleier/miljøterapeut
meta.heading
- FINN-kode 124200937
- Sist endret