Personvernombod ved IKA Møre Romsdal

IKA Møre og Romsdal leverer tenesta personvernombod for 27 kommunar og Møre og Romsdal fylkeskommune. Vi søker etter ein person som saman med prosjektleiar skal ha rolla som personvernombod i kommunane som deltek i prosjektet. Prosjektet går til 31.12.2020 med moglegheit for fast stilling etter prosjektperioden.

Oppgåver og ansvar

Hovudoppgåva er å bidra til at personvern får nødvendig prioritet og bidra til at deltakande kommunar og fylkeskommunen etterlever personvernlovgjevinga.

Personvernombodet skal blant anna:

• informere og gi råd i spørsmål om behandling av personopplysningar og personvernspørsmål.
• saman med kommunane og fylkeskommunen skal personvernombodet kontrollere etterlevinga av EU si personvernforordning og ny personvernlovgjeving.
• vere kontaktpunkt for kommunane og fylkeskommunen overfor Datatilsynet.

Krav til kompetanse

Vi ønsker søkjarar med høgare utdanning innanfor relevante fag (til døme juridiske fag eller IKT). Kunnskap om personvernlovgjeving og informasjonstryggleik er det sentrale. Nyutdanna vert oppfordra til å søkje.

Personvernombodet skal:

• ha god kunnskap om kommunal sektor, kommunal saksbehandling, IT-system, informasjonssikkerheit og personvern
  
• ha høg integritet og god rolleforståing
• halde seg oppdatert på utviklinga innan personvern
• kunne utføre oppgåvene sine på ein uavhengig måte
• ha gode samarbeids-, kommunikasjons-, og formidlingsevner

Det blir stilt krav til gode norskkunnskapar, munnleg og skriftleg. Personlege eigenskapar blir vektlagt.
Reiseverksemd til deltakarkommunane må påreknast.

Vi tilbyr

• Utfordrande oppgåver i eit aktivt, utviklande arbeidsmiljø.
• Utvikling for kvar medarbeidar.
• Offentleg pensjonsordning og gode forsikringsvilkår (medlemskap i KLP).
• Lønn etter avtale.