Rådgjevar/seniorrådgjevar - Seksjon miljø og klima
Landbruksdirektoratet
- Frist 27.3.2020
- Ansettelsesform Fast
Vil du jobbe med miljø- og klimaspørsmål i jordbruket?
Om seksjonen
Seksjon miljø og klima er lokalisert i Oslo. Her arbeider vi med tiltak for å fremje eit meir miljø- og klimavennleg jordbruk. Dei faglege oppgåvene i seksjonen gjeld tiltak for å redusere utslepp til luft og vatn, ta vare på kulturlandskapet og naturmangfaldet og utvikling av økologisk landbruk.
Vi søkjer etter ein medarbeidar med interesse for å vidareutvikle jordbruket i ein miljø- og klimavennleg retning. Den faste stillinga er ledig frå august 2020.
Arbeidsoppgåver
- Utgreiingar og sakshandsaming av miljø- og klimatiltak i jordbruket
- Delta i arbeidet med å vidareutvikle forvaltninga av miljøverkemiddel i jordbruket.
- Rapportering, statistikk og analyser om miljøtilstanden i jordbruket
- Samarbeid med ulike forvaltnings- og forskingsmiljø, fylkesmennene og næringsorganisasjonar
Kvalifikasjonar
- Du har naturvitskapleg utdanning på masternivå
- Du har god skriftleg og munnleg framstillingsevne, og det er ein fordel om du har erfaring med formidling
- Du har erfaring med sakshandsaming og/eller utgreiingar i offentleg forvaltning
- Erfaring frå arbeid med klima- og miljøspørsmål i jordbruket er ein fordel
Personlege eigenskapar
- Du er strukturert og analytisk
- Du har høg gjennomføringsevne og evne til å tenke heilskapleg
- Du har gode kommunikasjons- og samarbeidsevner
- Du tek initiativ, ser mogelegheiter og arbeider for å finne gode løysningar.
Det vil bli lagt vekt på at søkjaren er personleg eigna til stillinga.
Vi tilbyr
- Spennande, utfordrande og varierte oppgåver innafor eit viktig fagfelt
- Fagleg utvikling gjennom teamarbeid og kontakt med andre fagmiljø innan miljø, klima og jordbruk
- Fast stilling som rådgjevar i lønnsspenn frå kr. 472 000,- til kr 583 900,- (ltr. 53-65) eller som seniorrådgjevar i lønnsspenn frå kr. kr. 532 300,- til kr. 691 400,- (ltr. 60-74) avhengig av kvalifikasjonar. Særskilt kvalifiserte søkjarar kan vurderast for høgare lønn. Frå lønna trekkes pensjonsinnskot etter gjeldande regler.
- Tilsetting frå august 2020.
- Sentralt plassert kontorstad og god kantineordning
- Aktivt bedriftsidrettslag og refusjon av utgifter til trening
- Familievennleg og fleksibel personalpolitikk
- Gode arbeidstidsordningar (fleksibel arbeidstid, sommartid, betalt overtid)
- Medlemskap i Statens Pensjonskasse som blant anna gir gode lånevilkår
Kontaktperson for stillingen
Gunn Eide, seksjonssjef, tlf 78 60 60 00/976 52 618
Generelle opplysninger
Attestar/vitnemål må registrerast i portalen eller ettersendast pr. post før søknadsfristen går ut. Innsende dokument vil ikkje bli returnerte. Søkjarar som blir kalla inn til intervju, må ta med stadfesta kopiar av attestar og vitnemål.
For Landbruksdirektoratet er det eit personalpolitisk mål å spegle samansetjinga i samfunnet når det gjeld alder, kjønn og kulturell bakgrunn. Vi ynskjer derfor at alle kvalifiserte kandidatar søkjer, uavhengig av alder, kjønn, funksjonsevne, nasjonalitet og etnisk bakgrunn.
Landbruksdirektoratet er også ei IA-verksemd. I dette ligg mellom anna at vi vil leggje til rette på arbeidsplassen dersom det er behov for det.
Dersom en søker ønsker å reservere seg fra en offentlig søkerliste, må dette begrunnes. Opplysninger om søkeren kan bli offentliggjort selv om søkeren har bedt om ikke å bli oppført på søkerlisten. Hvis ønsket reservasjon ikke vil bli tatt til følge vil søkeren bli varslet om dette før offentlig søkerliste utformes.
Søknad sendes elektronisk. Hvis du har problemer med utfylling av elektronisk CV, kan du kontakte kundeservice hos Jobbnorge på e-post kundeservice@jobbnorge.no eller på telefon 75 54 22 27.
Om arbeidsgiveren
Landbruksdirektoratet set i verk landbruks- og handelspolitikken på landbruksområdet. Samfunnsoppdraget vårt er å drive samordna, heilskapleg og effektiv forvalting av økonomiske og juridiske verkemiddel retta mot jordbruk, reindrift, skogbruk, matindustri og handel. Vi er støtte- og utgreiingsorgan for Landbruks- og matdepartementet og sekretariat for ei rekkje styre, råd og utval. Dette betyr at vi må ha god kunnskap om dei landbruksbaserte verdikjedene, utviklingstrekk i ressursgrunnlaget og handelspolitiske avtalar
Vi har eit felles verdigrunnlag med kjerneverdiane open, påliteleg, engasjert og nytenkande. Verdiane legg føringar for korleis vi arbeider, og for samhandlinga vår både mellom kollegaar og med samarbeidspartnarar. Vi er om lag 220 tilsette. Avdelingane våre er plasserte i Oslo, Steinkjer og Alta. For meir informasjon sjå www.landbruksdirektoratet.no.
- Sektor: Offentlig
- Sted: Stortingsgt. 28, 0161 Oslo
- Bransje: Offentlig administrasjon
- Stillingsfunksjon: Agronom, Biolog, Saksbehandler
- FINN-kode 172895430
- Sist endret