Prosjektleiar for små og mellomstore vedlikehaldsprosjekt

Forsvarsbygg treng fleire flinke medarbeidarar, og vi søker no etter tre prosjektleiarar som ønsker utfordrande og spennande oppgåver innan eigedom, bygg og anlegg. 

Region nord strekker seg frå Setermoen i sør og heile vegen nordover i Troms og Finnmark fylke. Vi har mest aktivitet på arenaene Setermoen, Bardufoss, Skjold, Porsangmoen og Høybuktmoen. Avdeling Eigedomsforvalting sitt ansvar er å forvalte, drifte og vedlikehalde eigedom, bygg og anlegg som Forsvarsdepartementet eig og som Forsvaret leiger.

Som prosjektleiar vedlikehald vil hovudoppgåva vere prosjektleiing av tildelte prosjekt innanfor vedlikehald, utvikling og komponentutskifting. Du vil inngå i eit team på 12 prosjektleiarar pluss leiar, og vi ser etter ein lagspelar som ser nytta av godt samarbeid og viktigheita av å bidra til eit godt miljø.

Stillinga rapporterer til leiar for prosjekteininga i regionen.

Arbeidsstad vil vere Bardufoss, Setermoen eller Skjold. Noko reiseverksemd må påreknast. 

Forsvarsbygg ligg under vilkåra i Offentleglova - jamfør særleg Offentleglova § 25.

Les meir om Forsvarsbygg på www.forsvarsbygg.no og på våre karrieresider www.forsvarsbygg.no/jobb 

Arbeidsoppgåver

• Ansvarleg for gjennomføring av tildelte prosjekt innanfor vedlikehald, utvikling og komponentutskifting
• Leie vedlikehaldsoppdrag og utviklingsprosjekt, irekna dokumentasjonsansvar iht budsjett og tiltaksplanar
• Sjå til at økonomiske målsettingar blir overhalde og at alle oppdrag er iht vedtatt HMS/Internkontroll og samordningsansvar
• Gjennomføre brukardefinerte prosjekt
• Bistå i investeringsprosjekter
• Bistå fagingeniørane når det er behov for dette
• Koordinere utføringar med andre involverte einingar
• Ansvarshavande ovanfor offentlege myndigheiter i bygg- og anleggssaker

Kvalifikasjonar

• Relevant utdanning på bachelornivå. Søkarar med anna relevant utdanning som 2 årig teknisk fagskule kombinert med lang relevant prosjekterfaring kan komme i betraktning
• Relevant erfaring frå prosjektleiing og anna prosessleiing
• Relevant erfaring frå eigedom, bygg og anlegg
• Det er ønskeleg at du har kjennskap til gjeldande lovverk som plan og bygningslova mv.
• Det er ønskeleg at du har erfaring med bruk av kontraktsstandardar, eksempelvis NS 8405, 8406 og 8407
• Førarkort klasse B
• Du må kunne tryggingsklarerast for Hemmeleg/NATO Secret

Personlege eigenskapar

• Du har gode kommunikasjons- og samarbeidseigenskapar
• Du er sjølvstendig og initiativrik
• Du har god munnleg og skriftleg fremstillingsevne
• Du er strukturert og systematisk 
• Du er resultatorientert og har god gjennomføringsevne
• Personlege eigenskapar vil bli særleg vektlagt

Vi tilbyr

• Ein utfordrande, spennande og hektisk jobb blant gode kollegaer
• Fleksibel arbeidstid
• Lønn som prosjektleiar (kode 1113) frå kr. kr 552.800 - til kr. 667 200 pr år. Endeleg lønnsinnplassering vil bli gjort etter ei vurdering av kvalifikasjonar
• Medlemskap i Statens pensjonskasse med gode forsikrings- og pensjonsordningar