Forum for natur og friluftsliv i Sogn og Fjordane søkjer koordinator

Vil du koordinere arbeidet med å fremje natur og friluftsliv i Sogn og Fjordane?

Forum for natur og friluftsliv (FNF) har ledig fast 100% stilling.

FNF er eit samarbeidsforum for natur- og friluftslivsorganisasjonar på fylkesnivå. Føremålet er å styrkje arbeidet med natur- og friluftslivsfaglege saker hjå dei tilslutta organisasjonane.

Koordinatoren vert tilsett av FNF nasjonalt og rapporterer til styret i FNF Sogn og Fjordane som gjev føringar og faglege prioriteringar for arbeidet.

Arbeidsoppgåver

• Støtte FNF sine tilslutta natur- og friluftslivsorganisasjonar i arbeidet med å ta vare på natur- og friluftslivsinteressene i aktuelle saker i Sogn og Fjordane
• Påverke i plan- og saksprosessar. Ein vesentleg del av arbeidet er å skrive og hjelpe dei tilslutta organisasjonane med høyringsfråsegn og å påverke planprosessar på vegne av organisasjonane
• Koordinere utspel i dei aktuelle sakene
• Sette naturverdiar og friluftsliv på sakskartet i samfunnet
• Ha god kontakt med myndigheitene og byggje gode nettverk mellom organisasjonane, med politikarar og andre relevante aktørar
• Byggje kompetanse i organisasjonane
• Administrativt ansvar for FNF i fylket, vere sekretær for styret og årsmøtet

Ønska kvalifikasjonar

• Natur- og friluftslivsfagleg utdanning frå høgskule/universitet eller anna relevant høgare utdanning, som juridisk eller samfunnsvitskapeleg. Spesialisering innan naturforvalting eller plan er særleg relevant.
• Erfaring innan arealplanlegging, naturforvalting, biologi, friluftsliv, frivillige organisasjonar eller myndigheitskontakt er ein fordel.
• Interesse for natur og friluftsliv, biologi, økologi eller naturmangfald.
• Kjennskap til organisasjonane og fylket.
• God evne til skriftleg og munnleg framstilling.

Personlege ferdigheiter og eigenskapar

• Ha gode samarbeidsevner og kunne vere løysingsorientert og samlande.
• Kunne skape tillit hjå organisasjonane i forumet, hjå myndigheiter og andre aktørar.
• Kunne arbeide sjølvstendig, ta ansvar, være strukturert og syne initiativ.
• Entusiastisk og engasjert.

Vi kan tilby

• Særleg uavhengig stilling med stor fleksibilitet
• Gode forsikringar og sosiale ordningar
• Løn etter avtale
• Eit spennande og meiningsfullt oppdrag
• Ein utviklande og variert jobb kor ein lærar mykje
• Gode kollegaer over heile landet

Stillinga er no er lokalisert i kontorfelleskap på Leikanger. Vi er fleksible og opne for andre lokaliseringar innanfor gamle Sogn og Fjordane fylke, tilpassa behova til koordinatoren og organisasjonane. Koordinatoren inngår i et fellesskap av koordinatorar landet over. 

Last opp CV og søknadsbrev i .pdf eller liknande format.