Assistent - forsking

Forskningssenter for digitale psykiske helsetjenester (SFI) er eigd av Helse Bergen HF. Hovudmålet til senteret er å auke bruken og effekten av digitale psykiske helsetenester.

Vi lyser ut stillingar som assistentar som vil inngå i forskingsmiljøet innan digitale psykiske helsetenester ved Divisjon psykisk helse, Haukeland universitetssjukehus. Arbeidet vil særleg vere knytta  å utvikle og evaluere kunnskapsbaserte digitale helsetenester i samarbeid med sluttbrukarar, næringsliv og helsetenestene. Vi vil i løpet av 2022/2023 utvikle og evaluere digitale program for ungdom med angst, spiseforstyrring, depresjon og ADHD, samt vaksne med kognitive vanskar. Vi er òg i oppstartsfasen med ein studie der vi skal undersøke kost-nytte av digital behandling for vaksne.

Stillinga vil, avhengig av løpande behov, innebere å yte bistand med litteraturgjennomgang, brukarintervju, innhaldsutvikling, datahandtering og oppfølging av datainnsamling. Aktuelle kandidatar blir tilsett i 20 -100 % stilling i inntil 2 år, og all nødvendig opplæring vil bli gitt innanfor rammene av stillingane. 

Arbeidsoppgåver

• Hjelpe med litteraturgjennomgang
• Hjelpe med intervju av sluttbrukarane
• Hjelpe med innhaldsutvikling
• Bistå ved datahandtering
• Oppfølging ved datainnsamling
  

Kvalifikasjonar

• Studentar i relevante utdanningsløp (psykologi, medisin, åtferdsvitskap, nevrovitskap som profesjonsstudium, bachelorgrad eller mastergrad)
• Erfaring med tilsvarande arbeid vil bli lagt vekt på
• Nødvendig opplæring vil bli gitt innanfor rammene av stillingane
• Gode kunnskapar i norsk og engelsk, både munnleg og skriftleg

Personlege eigenskapar

• Fleksibilitet rundt tidspunkt som arbeidsoppgåvene skal gjennomførast på
• Ansvarsfull
• Nøyaktig
• Team-orientert
• Ha gode kontaktevner

Vi tilbyr

• Lønn i samsvar med gjeldande overeinskomst
• Høgt fagleg nivå
• Eit engasjert og aktivt arbeidsmiljø

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.