Prosjektleiar - StimuLab prosjekt for  vaksne utsett for vald

Vi søkjer ein erfaren fagperson med kjennskap til prosjektarbeid, og vaksne utsett for vald.

RVTS Vest dekkjer fylka Rogaland og Vestland og arbeider på tvers av etatar og sektorar. Senteret har rundt 20 tilsette fordelt i tre område; "Barn og unge", "Vaksne" og  "Kommunikasjon og implementering". Senteret skal samordne og styrkje kompetansen og kvaliteten i tenesteapparatet på tema traume og kriser, sjølvmord, vald og flyktningehelse. Senteret jobbar med konsultasjon, undervising og nettverksbygging. Senteret samarbeider med sentrale styresmakter og nasjonale fagmiljø på tema.

Bufdir er eit fagorgan på områda barnevern, barn, ungdom og oppvekst, adopsjon, familievern, likestilling, ikkje-diskriminering og vald og overgrep i nære relasjonar. Bufdir er underlagd Barne- og familiedepartementet (BFD), og styrer Bufetat, som har ansvar for det statlege barne- og familievernet. Bufdir og Bufetat skal gi barn, unge og familiar som treng det, tiltak med høy og riktig kvalitet i hele landet.

Den tilsette skal leie eit nasjonalt prosjekt for tiltaksutvikling i TryggEst - ein nasjonal modell for helhetlig oppfølging av sårbare vaksne utsett for vald, sjå www.tryggest.no

Om stillinga

• Prosjektleiar jobbar tett på prosjekteigar, styringsgruppe og prosjektgruppe, og er ansvarleg for fremdrift og arbeidsfordeling. prosjektgruppen er tverrfagleg og tverretatleg samansett, med medlemmer frå NAV, kommune, Arbeids- og Velferdsdirektoratet, Barne- Ungdoms- og familiedirektoratet og helsedirektoratet
• Dagleg arbeidsstad er Bergen, men ein del reiseverksemd må påreknast, noko av arbeidet må gjerast ved BUFDir i Oslo

Kvalifikasjonar

• Utdanning på minimum mastergradsnivå
• Kompetanse på arbeid i prosjekt
• Erfaring frå arbeid med vaksne
• Erfaring med digitalisering er ønskjeleg 

Personlege eigenskapar

• Gode samarbeidsevner
• Fleksibilitet, og evne til å tåle usikkerhet

Vi tilbyr

• Tilhøyre i eit anerkjend fagmiljø
• Kultur for fagleg og personleg utvikling
• Stor fridom til å utforme innan eigne ansvarsområde
• Løn og arbeidsvilkår etter Helse Bergen sitt avtaleverk

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.