Vil du vere med å utvikle Sogn?

Er du interessert i digitalisering, det grøne skiftet, sirkulærøkonomi, berekraftig reiseliv, eller entreprenørskap? Då har vi stillinga for deg!

Som vår nye seniorrådgjevar vil du mellom anna få arbeide med dette:

-         Rettleie gründere og etablerte verksemder

-         Evaluere nye forretningsidear, utvikle forretningsmodellar og strategiar

-         Identifisere moglegheitar, starte opp og leie prosjekt som bidreg til vekst i Sogn

-         Tilrettelegging for nettverksbygging og møteplassar

-         Samarbeid med kommunar, næringslivet og andre samfunnsaktørar

Vi ser for oss at du har utdanning innan økonomi, innovasjon, entreprenørskap, prosjektleiing, marknadsføring eller liknande. Har du arbeida i prosjekt, eller har erfaring med innovasjons- og utviklingsprosessar, er det strålande.

Arbeidskvardagen vår er ein kombinasjon av teamarbeid, sjølvstendig arbeid og samarbeid med andre eksterne aktørar. Det er difor ein fordel om du er ein initiativtakar, er glad i folk og eit nokså høgt tempo.

For å bli betre kjend med oss og vår arbeidskvardag, kan du lese meir på Facebook, Linkedin og nettsida vår. Er du ikkje frå Sogn, kan vi anbefale Sogn.no, for å bli litt betre kjend med regionen vi arbeida i.

Nøl ikkje med å ta kontakt om du har spørsmål!