Fagtilsett RVTS Vest - Kriser og psykososial beredskap

Vi søker ein erfaren fagperson med kjennskap til arbeid med kriser, beredskap og psykososial oppfølging.

RVTS Vest dekker fylka Rogaland og Vestland og arbeider på tvers av etatar og sektorar. Senteret har rundt 20 tilsette fordelt i tre område; "Barn og unge", "Vaksne" og "Kommunikasjon og implementering". Senteret skal samordne og styrkje kompetansen og kvaliteten i tenesteapparatet på tema traume og kriser , sjølvmord, vald og flyktningehelse. Senteret jobbar med konsultasjon, undervisning og nettverksbygging. Senteret samarbeider med sentrale styresmakter og nasjonale fagmiljø på tema.

Arbeidsoppgåver

• Stillinga skal styrkje senteret sitt arbeid med kriser, psykososial beredskap og kommunale kriseteam. Dei tilsette i senteret må kunne leie kompetanseprogram og bidra med undervisning og rettleiing

Kvalifikasjonar

• Utdanning på minimum mastergradsnivå
• Kompetanse på arbeid med kriser og beredskap, med vekt på psykososial oppfølging
• Erfaring frå arbeid med vaksne og familiar
• Rettleiings- og undervisningskompetanse
• Erfaring med digitalisering er ønskeleg
• Erfaring frå prosjektarbeid er ønskeleg

Personlege eigenskapar

• Gode samarbeidsevner
• Omstillingsvilje
• Ansvarsfølelse for eigne og senteret sine prosjekt

Vi tilbyr

• Tilhøyre i eit anerkjend fagmiljø
• Kultur for fagleg og personleg utvikling
• Stor fridom til å utforme innan eigne ansvarsområde
• Løn og arbeidsvilkår etter Helse Bergen sitt avtaleverk

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.