Blir du vår nye butikksjef?

Til hovudkontoret og butikken vår på Kaupanger treng vi deg som har kjøpmannsteft, er serviceinnstilt og har teknisk forståelse.

Butikken hos oss er samstundes eit kundemottak, og du vil i mange høve bli ansiktet utad i bedrifta. Viktige produkt i butikken er Husqvarna (hus og hage og construction), Varta batteri, IPC Foma og meir generelt eit stort utval forbruksartiklar til kundane våre som er innan landbruk og entreprenør. Vi vil framover satse på eit styrka og betre vareutval tilpassa markedet.

Stillinga inneber utstrakt samarbeid med delelageransvarleg på Kaupanger og delelageret på avdelinga i Førde. Om du ønskjer ein travel og interessant arbeidsdag der du kan utnytte kunnskapen din og utvikle ambisjonane dine, vil du vere den rette butikksjefen hos oss. Du er oppteken av relasjonsbygging og møter kundane våre med eit smil og ser løysingar med kremmerskap. Har du i tillegg kjennskap til kundane og produkta våre er det ein fordel. Våre satsingsområde er sal av traktor og reiskap, samt ettermarknad på desse produkta(verkstad og reservedeler).

Me ynskjer deg som:

• er utviklingsorientert
• har lyst til å arbeide med produkta våre (reservedelar/ting som går på ein motor)
• teknisk interesse og forståing
• har evne til å setje deg inn i nye ting
• har teft for sal/kundepleie
• er serviceinnstilt
• er strukturert og er van med å bruke dataverktøy i kvardagen din
• er positiv har stå på -mentalitet!
• har kremmerånd

For ytterlegare informasjon om stillinga, ta gjerne kontakt med rådgivaren vår hos Headvisor, Per Jorem, tlf. 400 21 560. Send din søknad snarast og seinast mandag 29. april – søknader vert vurderte fortløpande.