Bli med å byggja framtidas straumnett

Med elektrifiseringa samfunnet står ovanfor i åra som kjem, er det avgjerande å sikra eit driftssikkert straumnett. Ønskjer du å vera med på å forma framtidas energiløysingar? Lysna AS, lokalisert i Eikelandsosen, søkjer dyktig driftsingeniør som vil bidra til sikker og påliteleg drift av straumnettet vårt. Me ser etter ein dedikert fagperson med fokus på kvalitet. 

Arbeidsoppgåver

Som driftsingeniør i Lysna AS vil du vera ein sentral del av nettdrifta og delta i planlegging og drift av vårt distribusjonsnett. Nettet vårt består av ein kombinasjon av kablar, sjøkablar og luftlinjer, som sikrar god forsyningssikkerheit, fleksibilitet ved feilsituasjonar og forenklar omkoplingar ved arbeid i nettet. Forbruket består av bustadområde, næringskundar, store industriaktørar og ladeanlegg til ferje, som skapar varierande belastning i nettet.

Dine hovudansvarsområde vil inkludera:

•            Teknisk ansvar for måling og avrekning

•            Planlegging og utvikling av nettet for å oppnå god leveringskvalitet

•            Ansvar for Det Lokale Eltilsyn (tilsynsoppgåver blir utført av ekstern leverandør)

•            Deltaking i beredskapsarbeid og beredskapsvakt-ordning etter opplæring

Lysna AS har nyleg innført fleire nye og moderne IT-system, og du vil ha moglegheit til å påverka vidare utvikling og bruk av desse systema. Me er open for å sjå på alternative metodar og nye teknologiar for å produsera og lagra energi lokalt. Dette kan redusera nødvendige tiltak i distribusjonsnettet og samtidig gje nødvendig forsyningssikkerheit. Basert på din kompetanse, erfaring og interesse, vil me diskutera di rolle, ansvarsområde og personleg utvikling nærare, med moglegheit for utvida ansvarsområde og personalansvar.

Kvalifikasjonar

•            Bachelorgrad eller master innan elkraft, elektrofag. Eventuelt teknisk fagskule i kombinasjon med fagbrev

•          Elektroinstallatør, eller kompetanse til å ta denne utdanninga er ønskjeleg

•            God systemforståing

•            Førarkort klasse B

•            God skriftleg og muntleg framstillingsevne på norsk 

Me tilbyr

•           Ei sjølvstendig stilling med store moglegheiter for påverknad

•           Ei nøkkelrolle i ei lita bedrift der du verkeleg kan vere med å forme vegen vidare

•           Gode løns- og arbeidsvilkår  

Ønskjer du å vere med på å forme framtidas energiløysingar og sikre stabil straumforsyning? Då er Lysna AS staden for deg!

Me ser fram til å høyre frå deg!