Konsulent 100% fast stilling
Helse Bergen
- Frist 21.07.2024
- Ansettelsesform Fast
Konsulent 100% fast stilling
Hjarteavdelinga er ei spesialavdeling der all utgreiing og behandling av hjartesjukdommar er samla. Avdelinga driv med høgt spesialisert utgreiing og behandling innan følgande område; ikkje-invasiv diagnostikk og behandling, thorax-kirurgi, intensiv-og overvaking, pacing, tachyarytmi, preventiv kardiologi og kongenitt kardiologi. Behandlingsmetodar er i stadig utvikling og forskingsaktiviteten er høg.
Hjarteavdelinga har to store sengepostar (hjartemedisinsk og thoraxkirurgisk), ei intensiv- og overvakingseining (MIO) samt eining for hjarteintervensjon med ambulantstove, poliklinikk, operasjonsstove, 5 behandlingslaboratorium og ein CT lab.
Hjarteavdelinga har ledig fast 100% fast stilling som konsulent i Hjarte admstab. Avdelingas stab er lokalisert i første og tredje etasje i sentralblokka, og har 5 tilsette som arbeider tett med avdelingsdirektør, ass.avd.direktørar og øvrige leiarar. Vi gir leiarstøtte både til driftsoppgåver og utviklingsoppgåver.
Driftsoppgåvene i stab er m.a. tilsetting og avlønning av legar og leiarar, innkjøp av varer og tenester, utarbeiding og oppfølging av vaktplanar for legar i klinikken, suparbrukarfunksjon på sentrale ikt-system, saksbehandling av pasientklagar og forskingsadministrativ støtte.
Hjarteavdelinga har også behov for å styrke dagens stab for å gi betre leiarstøtte til utviklings- og forbetringsarbeid.
Vi ser etter deg som er framoverlent, arbeidsam og som er i stand til å prioritere kor vi får mest igjen for å legge inn ein innsats. Du blir engasjert av å jobbe med helsefaglege og administrative problemstillingar, motiverast av systematisk å gjere arbeidskvardagen betre for tilsette, er opptatt av pasienttryggleik og skapar engasjement rundt deg. Du vil jobbe tett mot klinikkens leiarar og legar.
Gjennom ditt arbeid vil du vere med på å bygge ein kultur for systematisk forbetring på Hjarteavdelinga, og må ha tilstrekkeleg erfaring til at du kan løfte og hjelpe andre innan dette området.
Vi tilbyr ein arbeidsplass i kontinuerleg utvikling, og vi ser for oss deg som ein del av eit motivert miljø som saman jobbar for å legge til rette for denne utviklinga. Du vil få stor fridom til å følge tematikker du meiner det er viktig at vi tar tak i og støtte og rådgiving i forhold til korleis du kan nå fram. Tiltredingssdato etter avtale.
Arbeidsoppgåver
- Støtte for avdelingsleiinga til administrative oppgåver
- Bistå GAT-ansvarlege med utvikling, forbetring og driftsoppgåver
- Leiarstøtte
- Bemanning og arbeidsplanar, hjelpe til med dag-til-dag-styring av legar og teknisk personell
- Ved behov vere suparbrukar i ulike system
Kvalifikasjonar
- Helsefagleg utdanning med godkjenning i Noreg. Særs relevant arbeidserfaring kan kompensere for manglande helsefagleg utdanning
- Kunnskap i GAT og personalportalen er ønskeleg
- God systemforståing
- Erfaring frå samarbeid på tvers av yrkesgrupper og avdelingar
- God IKT - kompetanse (M365/Teams/Office-pakka)
- God kunnskap i norsk skriftleg og munnleg
Personlege eigenskapar
- Du er serviceinnstilt, nøyaktig, strukturert og påliteleg
- Du liker å forstå organisasjonen du jobbar i og finn framgangsmåte avhengig av person, rolle og situasjon
- Du er trygg på deg sjølv, evnar å skape gode relasjonar og klarer å stå i avgjerder
- Du tar sjølvstendig ansvar og evnar å innhente informasjon/ny kunnskap som du treng for å løyse arbeidsoppgåvene dine.
- Trivast med varierte arbeidsoppgåver i eit travelt og aktivt arbeidsmiljø
- Du er resultatorientert og tar avgjerder til det beste for heile avdelinga
- Kan både få og gi tilbakemeldingar når det er nødvendig
Vi tilbyr
- Varierande arbeidsoppgåver i eit triveleg og godt arbeidsmiljø
- Lønn i samsvar med gjeldande oveireinskomst
- Fagleg og personleg utvikling
- Gode pensjons- og forsikringsordningar
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Haukelandsveien 22, 5021 Bergen
- Bransje: Helse og omsorg
- Stillingsfunksjon: Helsepersonell, Kontor og administrasjon, Sekretær
- Arbeidsspråk: Norsk
Nøkkelord
konsulent, hjerteavdeling, administrasjon, hjerteavdeling, sykehus
meta.heading
- FINN-kode 357611410
- Sist endret