![Sogn Næring logo](https://images.finncdn.no/dynamic/480w/2024/6/vertical-0/12/3/356/926/703_cb1c1bb7-699b-477a-b6f5-d627e2e2caec.png)
Konsulent/spesialkonsulent - fotograf
Vestland fylkeskommune
- Frist 28.07.2024
- Ansettelsesform Fast
Konsulent/spesialkonsulent Fotograf
Vestland fylkeskommune, ved seksjon arkiv, forvaltar per i dag kring 1 130 000 historiske foto etter profesjonelle fotografar, verksemder og privat personar frå Vestland fylke. Vi søker no deg, fotograf med fototeknisk og historisk interesse, som ønskjer å arbeide med fotobevaring innafor gode faglege råmer.
Arbeidsoppgåver
Som fotograf hjå oss vil arbeidsoppgåvene dine vere:
- Innsamling, digitalisering og registrering av historiske foto i fagsystem
- Produksjon og formidling av biletkopiar til publikum og andre arkivbrukarar
- Å vidareføre arbeidet med bruk av internasjonale standardar for mediekonvertering
- Fototeknisk rådgiving til ABM-institusjonar, kommunar og frivillige lag og organisasjonar som arbeider med fotobevaring i Vestland
- Vidareutvikle og koordinere fotobevaringsarbeidet i Vestland, mellom anna gjennom medansvar for å drifte det regionale fotonettverket for Vestland
- Delta i formidlings-, dokumentasjons- og bevaringsprosjekt i fylkeskommunen
- Formidling av fotohistoria og kulturhistoria i Vestland i tekst, bilete og eigenproduserte videosnuttarI arbeidet vårt samarbeider vi tett med frivillig sektor, kommunar og museum, og legg stor vekt på å utvikle gode tenester til brukarane våre. Digital formidling av kjeldematerialet vi forvaltar står sentralt.
Hausten 2024 flyttar vi inn i nyrenoverte kontorlokale i fylkeshuset på Leikanger, med nytt reprorom. I digitaliseringsarbeidet vil du nytte vårt nye Phase One iXH-kamera. Hausten 2025 står nye magasinlokale klare til bruk med fryserom, kvilande magasin og bruksmagasin til å huse fotoarkiva våre.
Det vil bli høve til å forme eigen arbeidsdag, og du vil vere med på å vidareutvikle eit viktig fagfelt i fylket.
Du må rekne med noko reiseverksemd i utføring av stillinga.
Du må ha
- Formell fotograf-kompetanse i form av fortrinnsvis fotografutdanning på bachelor/høgskule-nivå og fagskule, men søkjarar med fagbrev vert også vurdert.
- Praktiske ferdigheiter innan bilethandsamingsverktøy
- God munnleg og skriftleg framstillingsevne på nynorsk og bokmål
- Gode samarbeids- og kommunikasjonsevner
- Førarkort klasse B
Vi vektlegg
- Praktisk arbeidserfaring innan fotobevaring og -digitalisering frå arkiv, bibliotek eller museum
- Høg fototeknisk interesse
- Erfaring med Capture One
- Erfaring med fargestyring og fargeprofiler
- Erfaring i bruk av FotoStation og Fotoweb
- Erfaring med bruk av programvaren Asta
- Ønskje om og evne til å tileigne seg kunnskap om internasjonale standardar for mediekonvertering og vidareføre fylkeskommunen sitt arbeid med bruk av desse
- At du er sjølvstendig, ryddig og systematisk i arbeidet ditt
- Interesse for og erfaring med formidlingsarbeid
Vi tilbyr
Godt fagleg miljø
Løn etter avtale og kvalifikasjonar
Fleksibel arbeidstid
Gode forsikrings- og pensjonsordningar
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
- Nettverk: Facebook
- Sektor: Offentlig
- Sted: Askedalen, 6863 Leikanger
- Bransje: Arkiv og bibliotek, Kunst og kultur, Museer, gallerier og kulturminne
- Stillingsfunksjon: Foto, lyd og lys, Arkivar og bibliotekar, Dokumentasjon
- Arbeidsspråk: Norsk
Nøkkelord
arkiv, fotograf, konsulent, kulturhistorie, fotobevaring
- FINN-kode 357620129
- Sist endret
Lignende annonser
![Sogn Næring logo](https://images.finncdn.no/dynamic/480w/2024/6/vertical-0/12/3/356/926/703_cb1c1bb7-699b-477a-b6f5-d627e2e2caec.png)
![SIMAS IKS logo](https://images.finncdn.no/dynamic/480w/2024/7/vertical-0/05/6/360/000/216_96f16fa9-9537-4c73-b0c2-9ff251dd83e2.png)
![Sogndal kommune Anlegg og friluftsliv logo](https://images.finncdn.no/dynamic/480w/2024/6/vertical-0/20/3/357/906/033_a3a72bd6-d83f-40a0-9db6-fcc7677ce8ab.jpg)
![Ullensvang kommune logo](https://images.finncdn.no/dynamic/480w/2024/7/vertical-0/12/3/360/917/223_0e416fba-299e-4eaa-93ce-6644a2cd6aa4.png)
![Høgskulen på Vestlandet logo](https://images.finncdn.no/dynamic/480w/logo/result/1568786838/iad_3084308887002724602h_gskulen_p__vestlandet.png)
![Deloitte logo](https://images.finncdn.no/dynamic/480w/2024/6/vertical-0/21/8/358/134/608_90c82a29-aa4d-4cb9-a813-645d4a5fb1ad.jpg)
![PREFORM AS logo](https://images.finncdn.no/dynamic/480w/2024/7/vertical-0/02/9/359/585/309_e9507ab9-1ed9-4b3a-bd7d-d9e6cedbf3db.jpg)
![Sogndal kommune Sogndal helse- og omsorgssenter logo](https://images.finncdn.no/dynamic/480w/2024/7/vertical-0/09/0/360/573/160_5741707f-7714-4f5c-b413-98c323796039.png)
![Høgskulen på Vestlandet logo](https://images.finncdn.no/dynamic/480w/logo/result/1568786838/iad_3084308887002724602h_gskulen_p__vestlandet.png)
![NAV logo](https://images.finncdn.no/dynamic/480w/2024/7/vertical-0/05/4/359/976/834_158a5232-6aca-4f87-867d-e73a922302d4.png)
Spennande stilling som seksjonssjef hjå NAV Økonomiteneste - Bestilling og faktura
NAV