Controller
Kvam herad
- Frist 11.8.2024
- Ansettelsesform Fast
Vil du bli med i controllerteamet vårt?
Rekneskap og analyse har ledig ei ufordrande og interessant stilling som controller
Me søkjer deg som er ambisiøs, har evne til å sjå oppgåver, moglegheiter og løysingar til det beste for vår kommune!
I stillinga som controller inngår du i eit team med 5 controllerar og vert ein viktig del av den økonomiske og analytiske kompetansen i Kvam herad. Arbeidsoppgåvene er varierte og utfordrande og me ynskjer deg som kan vera pådrivar for forbetringsarbeid som forenklar og effektiviserer.
Kvam herad forvaltar store økonomiske ressursar, både i drifts- og investeringsmidlar og eigedelar. I 2023 var driftsutgiftene på 1,1 milliardar kr. Ein del av arbeidsoppgåvene til avdelinga er å utarbeida økonomiske rapportar. Her kan du lese Budsjett og økonomiplan 2024-2027
Arbeidsoppgåver
Som controller får du ansvar for økonomisk oppfølging av budsjett og skal vera ein pådrivar i budsjett-, rekneskap,analyse- og rapporteringsprosessar. Det er eit stort digitaliseringsfokus iheradet og controllerane er viktige bidragsytarar. Me nyttar Visma Pluss,Framsikt og Excel som daglege arbeidsverktøy. Oppgåvene kan verta tilpassa littetter kvalifikasjoner og behov.
- Controllerarbeid knytt til budsjett og rekneskap
- Aktivt følgja opp leiarane i dei ulike einingane med rådgjeving innan økonomistyring
- Samarbeida med einingane om å utvikle gode og framtidsretta kommunale tenester
- Jobbe med analysearbeid og være ein viktig bidragsytar for å vidareutvikla viktige tenester for innbyggjarane i kommunen
- Medverka i utarbeiding av budsjett, økonomiplan, perioderapportar og årsmelding
- Væra pådrivar for forbetringsarbeid og kontinuerlig leita etter forenkling og effektivisering av prosessar
- Avstemming og kontroll av rekneskap
Kvalifikasjonar
- Relevant økonomisk utdanning på master eller bachelor nivå
- Erfaring frå liknande stilling/fagfelt er ynskjeleg, men ikkje eit krav
- God presentasjonsevne og evne til å formidla analytisk informasjon
- God digital kompetanse og interesse
- God munnleg og skriftleg framstillingsevne
Personlege eigenskapar
Me ser etter deg som er sjølvstendig, analytisk og strukturert. Du er ambisiøs, oghar evne til å sjå oppgåver, muligheiter og løysingar til det beste for Kvamherad. Du er god til å samarbeida og kommunisera med alle deler avorganisasjonen, både skriftleg og munnleg. Du jobbar godt både sjølvstendig ogsaman med andre og du trivst med travle arbeidsdagar.
I tillegg ynskjer me at du:
- er nytenkjande, nysgjerrig og set deg raskt inn i nye områder og oppgåver
- jobbar strukturert, sjølvstendig og har gode analytiske ferdigheiter
- har evne til å jobba under tidspress og levera som avtalt
- ser heilskapen og har blikk for dei store linjene, men samtidig ser dei viktige detaljane
- har interesse for utvikling og bruk av IT-verktøy som forbetrar arbeidsprosessar
Vi tilbyr
- Tverrfagleg og godt arbeidsmiljø der me jobbar saman om å utvikla kvarandre og Kvam herad
- Spennande, meiningsfull og utfordrande arbeidsoppgåver hjå ein viktig samfunnsaktør som er i stor endring
- Ein sjølvstendig arbeidskvardag med moglegheit for personleg og fagleg utvikling
- Løn etter gjeldande tariffavtale og lokalt lønssystem
- Gode pensjons- og forsikringsordningar
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ynskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Om arbeidsgiveren
Oppdag Kvam - framtida er her!
Med sine 8500 innbyggjarar ligg Kvam vakkert plassert i hjarta av Hardanger og ved Hardangerfjorden, berre ein times køyretur frå Bergen. Her møter du ein natur som inviterer til aktiv fritid både sommar og vinter. Kvam, heimkommunen til nobelprisvinnar Jon Fosse, byr på eit rikt kultur- og organisasjonsliv med festivalar for ein kvar smak.
Naturopplevingar og aktivitetar
Ved fjorden finn du idylliske badestrender midt i sentrum av både Norheimsund og Øystese. For deg med lidenskap for langrenn eller toppturar, tilbyr Sjusete skisenter og fjellområdet Kvamskogen fantastiske skiforhold.
Ein kommune for framtida
Kvam satsar på barn og unge og er Årets ungdomskommune i 2024. Me har to vidaregåande skular, og ein ny, moderne vidaregåande skule er under bygging i sentrum av regionsenteret vårt Norheimsund.
Eit variert næringsliv
Næringslivet i Kvam er mangfaldig og inkluderer m.a. handel- og reiselivsnæring, lokal matproduksjon, jordbruk og industri. Dette gir mange moglegheiter for både jobb og fritid.
Opplev det beste av natur, kultur og samfunn i Kvam - i hjarta av Hardanger! Les meir
- Nettverk: Facebook, LinkedIn
- Sektor: Offentlig
- Sted: Grovagjelet 16, 5600 Norheimsund
- Bransje: Konsulent og rådgivning, Offentlig administrasjon, Økonomi og regnskap
- Stillingsfunksjon: Økonomi og regnskap, Økonomi og regnskap / Controller, Økonomi og regnskap / Økonomistyring og budsjettering
- Arbeidsspråk: Norsk
Nøkkelord
Rekneskap, Analyse, Budsjett, Visma Pluss, Framsikt og Excel, Hardanger
- FINN-kode 358060093
- Sist endret