![](https://images.finncdn.no/dynamic/1280w/2018/10/vertical-5/17/8/a81/88a/d0-/d1f/a-1/1e8/-8c/5e-/27d/e2c/722/f68_450336433.png)
Sjukepleiar/vernepleiar med vidareutdanning til 100% fast stilling
Helse Bergen
- Frist 11.08.2024
- Ansettelsesform Fast
Regional sikkerheitsavdeling søker sjukepleiar/vernepleiar med vidareutdanning til 100% fast stilling
Klinikk for Sikkerheitspsykiatri består av fem seksjonar. Regional sikkerheitsavdeling, Lokal sikkerheitsavdeling, Sikkerhetspoliklinikken, Seksjon for fengselshelseteneste, og eit regionalt kompetansesenter for sikkerheits, fengsels- og rettspsykiatri. Ansvaret vårt er å behandle pasientar lokalt frå Helse Bergen HF og frå Helseregion vest. Pasientar som blir innlagd ved sengepostane er underlagd tvungen psykisk helsevern etter § 3.3/ 3,2 i lov om psykisk helsevern eller dom til behandling etter §5.2 i lov om psykisk helsevern.
Eit viktig samfunnsoppdrag
Vårt samfunnsoppdrag er å gje behandling til alvorleg sinnslidande pasientar, som i tillegg treng høgt tryggleiksnivå for å verne samfunnet. Å finne ei optimal balanse mellom tryggleik og behandling for pasient, personalet og samfunnet for øvrig, er ei av våre viktigaste oppgåver. Målet vårt er å gje alle pasientane anledning til auka meistring i ulike fasar av sin sjukdom, samstundes som vi tar omsyn til samfunnets trong til tryggleik.
Sentrale oppgåver er å vurdere og handtere valdsrisiko og samstundes gi omsorg og behandling. Dette gjer vi gjennom fysisk utforming av sengepost, høg kompetanse og klare rutinar. Kvar pasient har ei tverrfagleg primærgruppe kor miljøpersonell, psykiater/ psykolog, ergoterapeut, aktivitør og sosionom arbeidar saman om å balansere mellom utvikling for pasienten og tryggleik for alle.
Ei anna sentral oppgåve kan vere judisielle døgnobservasjonar etter straffeprosesslova §167, etter oppdrag frå domstol og sakkyndige. Som sjukepleiar/ vernepleiar vil du då inngå i eit rettspsykiatrisk team. Personen som er innlagd til observasjon er ikkje ein pasient, men ein observand. Din oppgåve her vil vere knytta til observasjon og skrive gode miljørapportar som rettspsykiatrisk sakkyndig skal bruke til å bedømme om vedkommande er tilregneleg eller ikkje i juridisk forstand.
Våre pasientar kan vere innlagde over lang tid, mens andre har kortare opphald. Pasienten sine ressursar og sårbare sider er det uansett god anledning til å bli kjent med.
Vil du bidra til å skape meining i tilværet for menneske med vanskelege tankar, åtferd og følelsar og som har utfordringar med mellommenneskelege relasjonar?
Regional sikkerheitspost har no ledig 100% fast stilling som sjukepleiar/vernepleiar med vidareutdanning.
For å oppretthalde samansettinga i personalgruppa oppfordrast menn om å søke.
Arbeidsoppgåver
- Sjukepleie/miljøterapi til psykiatriske pasientar som treng behandling og rehabilitering
- Du deltar i den tverrfaglege miljøbehandlinga
- Du vil få ansvar for å koordinere den daglege miljøterapeutiske behandlinga i posten
- Som primærkontakt vil du delta i primærgruppearbeidet rundt kvar enkelt pasient
- Vurdere og lage handteringsplanar ifht valdsrisiko
- Utforme kortsiktige- og langsiktige behandlingsplanar
- Relasjonsbygging og motivasjonarbeid for å skape endring
Kvalifikasjonar
- Norsk autorisasjon som sjukepleiar eller vernepleiar, og med vidareutdanning innan; Rus og psykiatri eller psykisk helsearbeid
- Det er ønskeleg med erfaring frå psykiatri
- Må meistre godt norsk både munnleg og skriftleg
Personlege eigenskapar
- Du er initiativrik, interessert og har respekt for kvar enkelt pasient
- Du er tilpassingsdyktig og taklar stressande situasjonar med ro og fagleg haldning
- Du trivst i eit aktivt og tidvis travelt miljø
- Du er ein god teamarbeidar og likar å jobbe tverrfagleg
- Du bidrar til eit godt arbeidsmiljø
- Du etterspør rettleiing
Vi tilbyr
- Du får grundig opplæring
- Du får kurs i MAP, møte med aggresjonsproblematikk
- Kurs i risikovurderingsinstrumentet HCR-20
- Du får kompetanseutvikling i form av fagdagar og kurs
- Dette er ei stilling som gir både fagleg og personleg utvikling
- Vi har eit godt og inkluderande arbeidsmiljø med kompetente medarbeidarar
- 15 000 kroner pr år i særtillegg
- Treningsrom for tilsette
- Medlemsskap i pensjonsordning, 2% pensjonstrekk, yrkesskadeforsikring, gruppelivsforsikring og tenestereiseforsikring
- Ein arbeidsplass som er ei inkluderande arbeidsliv-bedrift (IA-bedrift)
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Sandviksleitet 1, 5036 Bergen
- Bransje: Helse og omsorg
- Stillingsfunksjon: Helsepersonell / Vernepleier/miljøterapeut, Sykepleier / Psykiatri, Sykepleier
- Arbeidsspråk: Norsk
Nøkkelord
sykepleier, spesialsykepleier, vernepleier, spesialvernepleier, Regional sikkerhetsavdeling, RS, spesialsykepleier, spesialvernepleier
- FINN-kode 358711173
- Sist endret