![](https://images.finncdn.no/dynamic/1280w/2024/2/vertical-5/22/b/02c/e06/b0-/d16/6-1/1ee/-98/75-/f30/efc/15a/5bb_1908429985.jpg)
Vil du jobbe med EUs klima- og miljøpolitikk?
Miljødirektoratet
- Frist 04.08.2024
- Ansettelsesform Fast
Fast stilling i EU/EØS-koordineringa
Vil du jobbe med EUs klima- og miljøpolitikk?
Om stillinga
Er du klar for å ta del i nybrotsarbeid og bidra til å utvikle regelverk som gjennomfører EUs grøne giv? Vi skal støtte andre seksjonar i Miljødirektoratet med denne superviktige jobben, og treng deg som ønskjer å gjere dette i samarbeid med dyktige og hyggjelege kollegaer.
Den store regelverksutviklinga på klima og miljø skjer i eit høgt tempo og hos oss får du vere med på å få den grøne given til å skje! Vi i EU/EØS-koordineringa skal støtte Miljødirektoratet i den omfattande jobben med å gjennomføre og forvalte ei lang rekkje nye og reviderte EU-regelverk.
Seksjonen vår har også hovudansvar for sirkulær økonomi (https://www.miljodirektoratet.no/ansvarsomrader/avfall/sirkular-okonomi/), som inkluderer arbeid med ei rekkje EU-regelverk på området som er i rask utvikling.
Seksjonen samarbeider tett med andre einingar i Miljødirektoratet, og har i tillegg omfattande kontakt med andre statlege etatar, ulike interesseorganisasjonar, Statsforvaltaren, kommunar og næringsliv. Seksjonen ligg i avdeling for avfall, kjemikaliar og tilsyn (https://www.miljodirektoratet.no/om-oss/miljodirektoratets-organisasjon/avfall-kjemikalie-og-tilsynsavdelingen/) og består av 15 engasjerte medarbeidarar, og er sentralt plasserte i moderne lokale på Helsfyr, Oslo.
Arbeidsoppgåvene dine
- bidra til at dette arbeidet i Miljødirektoratet er heilskapleg og målretta
- bidra til effektiv og rett gjennomføring av EU/EØS-regelverk til rett tid
- sikre gode rutinar for arbeidet og bidra med informasjon og opplæring for å sikre god kompetanse
- ha oversikt over EU/EØS-arbeid innan klima og miljø
- bidra til at norsk miljøforvaltning medverkar til utvikling av EU-regelverket ved viktige interesser
Vi søkjer deg som har følgjande bakgrunn
For å kvalifisere deg for stillinga må du ha:
- mastergrad innan relevante fagområde, som statsvitskap, europastudiar eller juss
- god kompetanse om EU/EØS-regelverk og EU/EØS-prosessar
- svært god skriftleg og munnleg framstillingsevne på norsk og engelsk
- relevant arbeidserfaring frå statleg forvaltning og/eller EU/EØS-institusjonar
Vidare er det ønskjeleg at du har:
- relevant erfaring med koordinering av arbeidsoppgåver
- relevant erfaring med gjennomføring av EU/EØS-regelverk i norsk regelverk
For å lykkast i stillinga:
- er du effektiv og strukturert, og leverer rett kvalitet til rett tid i ein hektisk kvardag
- er du proaktiv og god til å ta initiativ
- er du god på samarbeid og det å byggje relasjonar
- er du ein med svært god heilskapsforståing
- så har du svært god rolleforståing
- er du komfortabel med å ta ordet i større forsamlingar
Personlege eigenskapar vil bli vektlagde.
Kvifor skal du velje oss?
Vil du vere med å løyse vår tids største klima og miljø utfordringar? Då vil du nok trivast hos oss! Vi tilbyr ein meiningsfull jobb i eit direktorat med eit viktig samfunnsoppdrag. Hos oss vil du få høve til å vekse og utvikle deg, både fagleg og personleg.
Er du oppteken av fleksibilitet i kvardagen? Vi gir deg moglegheit for avtale om heimekontor inntil to dagar i veka om arbeidsoppgåvene tilseier at det let seg gjere. I tillegg har vi fleksitid, betalt overtid og sommartid. Du blir også medlem av Statens pensjonskasse, med gode pensjonsordningar og bustadlån med gunstige vilkår.
Miljødirektoratet held til i attraktive lokale ved kollektivknutepunktet på Helsfyr. Her har vi m.a. kantine med høg kvalitet, treningsrom og sykkel- og bilgarasje. Dei tilsette har eit breitt tilbod av sosiale, kulturelle og sportslege aktivitetar og moglegheit for trening i arbeidstida.
Du blir tilsett i fast stilling med lønn som rådgivar eller seniorrådgivar frå kr. 548 600 til kr. 821 100 etter erfaring og kvalifikasjonar. Om du er spesielt kvalifisert, kan vi vurdere deg noko høgare.
Generelle opplysningar
Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.
Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din.
Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal (https://arbeidsgiver.dfo.no/strategisk-hr/inkluderingsdugnaden/bli-bedre-pa-rekruttering/hvordan-skrive-stillingsannonser-som-0). Avkryssinga blir også brukt i ein anonymisert statistikk som alle statlege verksemder har med i årsrapportane sine.
Meir informasjon om korleis vi handterer opplysningar om deg som søkjar, kan du finne i personvernerklæringa (https://www.miljodirektoratet.no/personvernerklaring/) vår.
Om arbeidsgiveren
Det er stor variasjon i arbeidsoppgåvene i Miljødirektoratet. Vi utviklar og følgjer opp regelverk, gir råd til Klima- og miljødepartementet, gjennomfører samfunnsøkonomiske analysar, overvaker og kartlegg artar, fører oppsyn og tilsyn, regulerer nasjonalparkar og naturreservat. Nokre oppgåver krev at tilsette med ulik fagkompetanse jobbar saman på tvers. På den måten sikrar vi størst mogleg fagleg tyngd i leveransane våre. Vi lærer av kvarandre og utviklar oss internt. Andre arbeidsoppgåver krev sjølvstendig jobbing.For å løyse samfunnsoppdraget vårt på best mogleg vis, treng vi medarbeidarar i alle aldrar med ulike fagkombinasjonar, kompetanse, livserfaringar og perspektiv. Er du kvalifisert til ei ledig stilling, oppfordrar vi deg til å søkje.
Vi er eit statleg forvaltningsorgan underlagt Klima- og miljødepartementet, og har om lag 730 fast tilsette ved kontora våre i Trondheim og Oslo, og i Statens naturoppsyn (SNO) som er lokalisert 56 stader i landet.
Se alle ledige stillingar i Miljødirektoratet.
- Sektor: Offentlig
- Sted: Grensesvingen 7, 0661 Oslo
- Hjemmekontor: Delvis hjemmekontor
- Bransje: Offentlig administrasjon
- Stillingsfunksjon: Jurist, Kontor og administrasjon / Kontorarbeid, Samfunnsviter
- FINN-kode 358798865
- Sist endret
Lignende annonser
![Klimaetaten logo](https://images.finncdn.no/dynamic/480w/2024/7/vertical-0/08/6/359/593/756_2954db06-8aa6-440f-b180-4c670c651d47.jpg)
![Miljøpartiet De Grønnes stortingsgruppe logo](https://images.finncdn.no/dynamic/480w/2024/6/vertical-0/13/2/357/052/742_cf8ae8eb-9824-4e71-aa7f-7c497b6c9169.png)
![Norges Rederiforbund logo](https://images.finncdn.no/dynamic/480w/2024/7/vertical-0/03/1/359/723/191_6a3b8ce2-6761-4901-becf-00b5f3ff1b4c.jpg)
Vi søker sekretariatsleder og medarbeidere til ekspertutvalg.
Klima- og miljødepartementet
![Klimaetaten logo](https://images.finncdn.no/dynamic/480w/2024/7/vertical-0/08/9/359/595/479_0a435de9-f9b6-4be2-9b00-bbcd8f2d6d1d.jpg)