Fagkoordinator
Brønnøysundregistrene
- Frist 31.7.2024
- Ansettelsesform Fast
Er du vår nye fagkoordinator?
Om stillinga
Vi treng deg som har lyst til å bidra i ein travel arbeidsdag der omstilling og endring gir oss spennande oppgåver og utfordringar.
I avdeling registerforvaltning blir du kjend med offentleg sektor gjennom saksbehandling og andre arbeidsoppgåver retta mot norsk næringsliv og frivillig sektor. Vi har stort fokus på digitalisering og vidareutvikling av tenestene våre.
Hos oss får du jobbe i team saman med dyktige fagkoordinatorar. Du skal koordinere faglege aktivitetar og jobbe med vidareutvikling og kvalitetssikring av system, rutinar, produkt og kompetanse. Du må rekne med å delta i ulike arbeidsgrupper og du vil ha ein rettleiande og rådgivande funksjon ovanfor saksbehandlarar og leiarar.
Arbeidsoppgåver
- koordinere og vere fagressurs i Rekneskapsregisteret, Oppgåveregisteret og Kommunalt rapporteringsregister og andre utvalde fagområde
- vere eit sentralt bindeledd mellom fag og jus
- vere fagleg rettleiar
- ha kontakt med eksterne samarbeidspartar
- saksbehandle og utarbeide enkelte statistikkar
Kvalifikasjonar
Du må ha
- ha utdanning på bachelor- eller masternivå, gjerne innan økonomiske og administrative fag. Realkompetanse med særleg relevans for stillinga kan kompensere for noko av utdanningskravet
- vere god til å formulere deg både skriftleg og munnleg i norsk, gjerne på engelsk også
Det er fint om du også har
- erfaring innan saksbehandling i offentleg forvaltning
- kunnskap om rekneskapslova
- erfaring frå rettleiing og med å utarbeide rutinar
- god digital forståing
- erfaring med Public 360
Personlege eigenskapar
- du har stor arbeidskapasitet
- du har gode samarbeidsevner og fungerer godt i tverrfaglege team
- du er løysingsorientert og positiv til nye utfordringar
Dette får du hos oss
- interessante og utfordrande oppgåver innan digitalisering og forenkling av Noreg
- eit godt arbeidsmiljø med uformell tone og stor vilje til å skape noko saman
- gode moglegheiter for fagleg utvikling
- fleksibel arbeidstid med god balanse mellom arbeidsliv og privatliv
- gode velferdsordningar i alle livsfasar og moglegheit for trening i arbeidstida
- medlemskap i Statens pensjonskasse (https://www.spk.no/) som er ei av landet sine beste pensjonsordningar, med gunstig bustadlån og gode forsikringsordningar
- moderne kontorlokale med fantastisk utsikt over Helgelandskysten. Sjå den flotte arbeidsplass og byen vi bor i på Havnegata 48 (https://www.havnegata48.no/)
- hjelp til å skaffe bustad
Stillinga er fast og du blir tilsett som rådgivar med årsløn frå kr 516 800-692 400, avhengig av kvalifikasjonane dine. Prøvetida er seks månader.
Ved intern tilsetting kan det bli ledig stilling som førstekonsulent/saksbehandlar. Oppgi i søknaden om du søker på den også.
Vi har eit rekrutteringssamarbeid med Brønnøy kommune og Digitaliseringsdirektoratet. Har du ein partnar som har behov for arbeid, kan vi formidle kontakt med desse.
Inkludering og mangfald er viktig for oss
Vi ønsker å vere ein inkluderande arbeidsplass, der vi speglar mangfaldet i befolkninga. Vi treng medarbeidarar med ulik erfaring, bakgrunn, kompetanse og kvalifikasjonar for å løyse samfunnsoppdraget vårt. Har du hol i CV-en , nedsett funksjonsevne eller innvandrarbakgrunn oppfordrar vi deg til å krysse av for det når du søker stilling hos oss. Vi kallar inn minst ein kvalifisert søkar frå kvar av desse gruppene til intervju.
Bu i Brønnøysund
Brønnøysund er ein triveleg liten kystby sør på Helgeland. Vi har korte avstandar til det meste og masse vêr - uansett årstid! Er du glad i naturopplevingar har vi eit utal moglegheiter. Moglegheitene er mange også for deg som heller føretrekk ein tur på kafe eller restaurant, er opptatt av kultur eller ulike treningsmoglegheiter innandørs.
Verd å merke seg før du søker
Når du søker jobb hos oss, vil namnet ditt stå på ei offentleg søkarliste. Ønsker du å bli unntatt frå den offentlege søkarlista, må du grunngi kvifor. Vi tar kontakt med deg dersom vi ikkje tar ønsket ditt til følgje, og du får moglegheit til å trekke søknaden din.
For å bli vurdert som søkar, må du legge ved relevante attestar og vitnemål. Vitnemål frå utdanning tatt i Noreg lastar du opp frå Vitnemålsportalen. Har du utdanning frå utlandet legg du ved godkjenning frå Direktoratet for høgare utdanning og kompetanse/NOKUT (https://hkdir.no/utdanning-fra-utlandet).
Ta gjerne kontakt
Dersom du har spørsmål om stillingane kan du ta kontakt med Einhild Evensen tlf. 92 62 12 96.
For spørsmål om elektronisk utfylling av CV kan Jobbnorge kontaktast på tlf.: 75 54 22 20 eller e-post: kundeservice@jobbnorge.no.
Om arbeidsgiveren
- Sektor: Offentlig
- Sted: Havnegata 48, 8910 Brønnøysund
- Bransje: IT, Offentlig administrasjon, Organisasjoner
- Stillingsfunksjon: Kontor og administrasjon, Koordinering, Rådgivning
Nøkkelord
koordinere, kvalitetsarbeid, veilede
meta.heading
- FINN-kode 358950868
- Sist endret