Anestesisjukepleiar
Helse Bergen
- Frist 26.07.2024
- Ansettelsesform Fast
Anestesisjukepleiar
Kirurgisk serviceklinikk (KSK) er den største somatiske klinikken i føretaket, med 7 avdelingar og om lag 1400 tilsette.
KSK yter service for pasientgrupper til dei fleste avdelingar og klinikkar i føretaket. Vi drifter 36 operasjonsstover i eiga regi på ulike lokasjonar, og 14 operasjonsstover saman med andre. Vi har to postoperative seksjonar og ein intensivmedisinsk seksjon som behandlar dei aller sjukaste pasientane våre, både barn og vaksne. Akuttmedisinsk seksjon har ansvar for ambulansetenesta, luftambulansetenesta og nødmeldetenesta i Helse Bergen sitt opptaksområde.
Det er aktiv forsking og utvikling innan både helsefag og ulike medisinske fagområde ved klinikken. Våre medarbeidarar er anestesilegar, ambulansepersonell, assistentar, portørar, merkantile og spesialsjukepleiarar innan anestesi, operasjon og intensivmedisin.
Hovud Hals-seksjonen er ein av fire seksjonar i sentraloperasjonseininga ved Haukeland universitetssjukehus. Seksjonen er ein aktiv og fagleg utfordrande arbeidsplass, med fagfelta Nevrokirurgi og ØNH/kjeve kirurgi. Det er 43 årsverk for spesialsjukepleiarar til seksjonen, herunder 18,5 anestesisjukepleiarårsverk. Desse bemannar saman med operasjonssjukepleiarar og anestesilegar 5-6 operasjonsstover på dagtid, og har ØH stove på kveld, natt og helg.
Det er ledig fast 100% stilling som anestesisjukepleiar. Tiltredelse snarest. Arbeidstid: Tredelt turnus.
Arbeidsoppgåver
- Anestesisjukepleiar er ein del av eit tverrfagleg team
- Anestesisjukepleiar har ansvar for å planlegge og førebu anestesi til pasienten på Hovud-hals seksjonen
- Undervise studentar i spesialisering og nytilsette
- Klargjere og kontrollere utstyr med fokus på pasientsikkerheit
- Koordinere og planlegge dagleg drift
Kvalifikasjonar
- Norsk autorisasjon som sjukepleiar og vidareutdanning som anestesisjukepleiar
- Gode datakunnskapar
- Må meistre godt norsk både munnleg og skriftleg
Personlege eigenskapar
- Vi søker ein motivert, fagleg trygg og engasjert medarbeidar som kan vise til gode samarbeidsevner
- Du arbeider strukturert og nøyaktig, med høg grad av fagleg dedikasjon med pasienten i sentrum
- Du er lærevillig og opptatt av å fullføre oppgåver
- Du er fleksibel og bidrar til eit godt arbeidsmiljø
Vi tilbyr
- Vi tilbyr gode pensjons- og forsikringsvilkår
- God opplæring
- Store faglege utfordringar
- Dyktige medarbeidarar
- Samarbeid med leiande kirurgar og anestesilegar innanfor sine fagfelt
- Godt arbeidsmiljø
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Haukelandsveien 22, 5009 Bergen
- Bransje: Helse og omsorg
- Stillingsfunksjon: Anestesi
- Arbeidsspråk: Norsk
Nøkkelord
Anestesisykepleier, Sykepleier, Anestesi, Sykehus, Haukeland
meta.heading
- FINN-kode 360008805
- Sist endret