Psykologspesialist
Helse Bergen
- Frist 31.08.2024
- Ansettelsesform Vikariat
Psykologspesialist /psykolog
Spennande moglegheit som psykologspesialist/ psykolog ved Kronstad DPS – bli ein del av eit innovativt team!
Kronstad DPS, som betener bydelane Årstad, Bergenhus og Ytrebygda i Bergen kommune, har ansvar for psykisk helse for rundt 98.000 vaksne. Klinikken er delt inn i to hovudområde: psykose og allmennpsykiatri, og tilbyr døgn-, dag-, ambulante og polikliniske tenester.
Seksjon Psykose dagbehandling og gruppepoliklinikk er ein seksjon som har eit tredelt tilbod; poliklinikk for unge med psykose (mellom 18 og 30 år), dagbehandling og gruppepoliklinikk.
Seksjonen gir eit recoveryorientert behandlingtilbod til unge mennesker med psykose, og tar utgangspunkt i nyare evidensbaserte metodar. Seksjonen gir tilbod om terapisamtalar, utgreiing/kartlegging, psykoedukativt familiesamarbeid (PEF), psykoedukasjon/IMR-grupper (Illness management and recovery), individuell jobboppfølging, fysisk aktivitet, musikkterapi, billedterapi, medikamentfri behandling og dagbehandling. Seksjonen er godkjend for tvungent psykisk helsevern utan døgn.
Vi er ein fleirfagleg seksjon som består av blant anna overlege/psykiater, psykologspesialistar/psykologar, psykiatrisk sjukepleiar/vernepleiar, erfaringskonsulent, fysioterapeut, sosionom, musikkterapeut og jobbspesialist. Vi arbeider teambasert, og samarbeider tett med dei andre einingane i fagområdet, sjukehusavdelingane og kommunale tenester.
Vi har ledig 1 års vikariat i 100% som psykologspesialist / psykolog ved vår seksjon.
Stillinga vil hovudsakleg omfatte ansvarsoppgåver i tilbodet for dagbehandling og poliklinikk for unge med psykose. Seksjonen har utgreiings- og behandlingsansvar for personar mellom 18 og 30 år med psykose. Som psykologspesialist/psykolog vil du ha poliklinisk individuell pasientoppfølging, samt bistå i team. Ved særskilde behov kan det vere aktuelt med arbeidsoppgåver innan dei andre delane av tilbodet vårt. Det vil og vere mogleg å leie gruppebehandling samt delta i psykoedukativt familiesamarbeid (PEF).
Les meir om oss her Seksjon Psykose dagbehandling og gruppepoliklinikk
Følgjande arbeidsoppgåver er sentrale:
- Behandlingsansvar og utreiingsoppgåver for nysjuke pasientar mellom 18 og 30 år
- Delta i team om pasientsaker
- Oppsøkjande verksemd
- Familiesamarbeid
- Fleksibilitet med tanke på arbeidsoppgåver
- Oppfølging av pasientar på tvungen psykisk helsevern utan døgn
Kvalifikasjonar
- Norsk autorisasjon som psykologspesialist/psykolog
- Brei klinisk erfaring frå psykiatri/rusfeltet og arbeid med målgruppa i spesialisthelsetenesta og/eller kommunalt tenesteapparat
Personlege eigenskapar
- Du er motivert, fleksibel, initiativrik, interessert og har respekt og engasjement for pasientar med psykose
- Du har særs gode evne til kontaktetablering og er nettverkskyndig
- Du har tolmod og evne til å jobbe langsiktig og samtidig kunne handtere akutte situasjonar
- Du bidrar til eit godt arbeidsmiljø og trivast med å jobbe teambasert
- Evne til god munnleg og skriftleg framstilling.
- Det er viktig at du er engasjert i faget og bidrar aktivt inn i teamet
- Det vil bli lagt vekt på at søkjar er personleg egna til stillinga
Vi tilbyr deg
- Det vil bli lagt til rette for fagleg og personleg utvikling og gjer moglegheit for å delta i innovativt pasientarbeid innan psykosebehandling
- Teambasert pasientarbeid
- Høgt fagleg nivå
- Hyggeleg arbeidsmiljø
- Variert og fleksibel arbeidskvardag
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Fjøsangerveien 36, 5053 Bergen
- Bransje: Helse og omsorg
- Stillingsfunksjon: Psykolog
- Arbeidsspråk: Norsk
Nøkkelord
psykologspesialist, Kronstad DPS, psykolog, Kronstad DPS
meta.heading
- FINN-kode 361689763
- Sist endret