Førstekonsulent/rådgjevar
Kommunal- og distriktsdepartementet
- Frist 15.08.2024
- Ansettelsesform Fast
Vil du jobbe med å utvikle bustadpolitikken til regjeringa?
Førstekonsulent/rådgjevar
Om stillinga
Bustad- og bygningsavdelinga har ledig ei fast stilling som førstekonsulent/rådgjevar i seksjon for bustadpolitikk.
Seksjonen har ansvaret for den overordna bustadpolitikken til regjeringa, irekna den bustadsosiale politikken, og å følgje utviklinga i bustad- og byggjemarknaden. Seksjonen har ansvaret for verkemiddel som skal bidra til å gje folk tilgang til eigna bustader. Det inneber mellom anna ulike verkemiddel retta mot vanskelegstilte på bustadmarknaden som startlån og lån til utleigebustader. Samarbeid med andre velferdsdepartement er ein viktig del av arbeidet. Seksjonen skal vidare sørgje for at det finst eit solid kunnskapsgrunnlag for politikkområdet. I tillegg har seksjonen ansvaret for den faglege styringa av Husbanken.
Arbeidsoppgåver
Arbeidsoppgåvene inneber å
- vurdere og gje innspel til korleis bustadpolitikken skal utviklast i ei tid med kostnadsvekst og flyktningkrise
- vurdere og tilrå bustadpolitiske verkemiddel
- bruke fagkompetansen din til å utarbeide gode fakta- og avgjerdsgrunnlag for den politiske leiinga
- førebu møte og reiser og dessutan hjelpe til med talar og innlegg for den politiske leiinga
- bidra til å sjå heilskapen i oppgåvene til avdelinga og samarbeide med andre om leveransar
Kvalifikasjonar
For å kvalifisere deg for stillinga må du ha
- fullført relevant høgare utdanning på masternivå, til dømes innanfor samfunnsvitskapelege fag (samfunnsgeografi, samfunnsøkonomi, statsvitenskap og/eller sosiologi)
- god samfunnsforståing og forståing for politiske prosessar og tilhøvet mellom fag og politikk
- gode kommunikasjonsevner, både munnleg og skriftleg
Som rådgjevar må du ha minst tre års relevant arbeidserfaring. Både erfaring frå offentleg forvaltning og anna verksemd kan vere aktuell.
Det er ønskelig at du har
- kunnskap om og interesse for bustadpolitikk
- noko erfaring med analyse og utgreiingar
- god kjennskap til offentleg forvaltning
Personlege eigenskaper
For at du skal trivast hos oss og lukkast i stillinga, vil vi også leggje vekt på om du
- har gode analytiske evner
- kan handtere korte fristar og periodevis store arbeidsmengder
- har gode samarbeidsevner
- har god evne til å jobbe sjølvstendig og ta initiativ
Vi vil leggje stor vekt på om du er personleg eigna for stillinga. Utdanning og erfaring må dokumenterast med CV, vitnemål og attestar.
Vi tilbyr
Vi ønskjer deg velkommen inn i eit arbeidsfellesskap med dyktige kollegaer som er stolte av jobben sin. Vi tilbyr
- høve til å jobbe med samfunnsaktuelle saker
- kompetanseutvikling i eit sterkt fagmiljø
- fleksibel arbeidstid, betalt overtid og sommartid
- arbeidsplass sentralt i Oslo sentrum
- moglegheit til å trene i arbeidstida
- medlemskap i Statens pensjonskasse med gode låne-, forsikrings- og pensjonsordningar
- eit aktivt sosialt miljø med mange tilbod til dei tilsette, eige bedriftsidrettslag og bedriftshelseteneste
Som ny i KDD får du heilt frå starten av oppgåver som utfordrar deg, og du får ein fadder som følgjer deg opp. Departementet har eit introduksjonsprogram der du blir kjend med nytilsette i dei andre avdelingane. For tilsette under 40 år er det ei eiga foreining, Ung i KDD. Nettverket skal bidra til å skapa ein arena der unge i departementet kan møtast jamleg til faglege og sosiale samankomstar. Ønskjer du å vita meir om korleis det er å jobba hos oss, kan du lesa meir her: Tilsette om KDD - Jobb i KDD (regjeringen.no).
Løn: Stillinga er lønt som førstekonsulent eller rådgjevar frå 540 000 til 620 000 kroner per år. Stillings- og lønsinnplasseringa kjem an på erfaringa di og kvalifikasjonane dine. Frå løna blir det trekt 2 prosent innskot til Statens pensjonskasse.
Autorisasjon: Tilsette i Kommunal- og distriktsdepartementet må kunna autoriserast for tilgang til informasjon etter sikkerheitslova. Les meir om autorisasjon her (https://nettsteder.regjeringen.no/jobbikdd/rekrutteringsprosessen/).
Slik søkjer du
Send søknad elektronisk via lenkja «Søk stillinga» øvst på denne sida. Snarleg tiltredelse er ønskjeleg
Me meiner at inkludering og mangfald er ein styrke. Me ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Me vil leggja til rette for medarbeidarar som har behov for det. Aktuell tilrettelegging kan til dømes vera tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.
Les meir om inkludering og mangfald her. (https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten)
KDD nyttar Semac bakgrunnssjekk i gjeldande rekrutteringsprosess. Bakgrunnssjekk blir utført etter samtykke frå kandidaten, og inneber mellom anna at vi verifiserer CV og annan søknadsdokumentasjon i samband med tilsetjinga. Tilsetjing føreset godkjend bakgrunnssjekk.
I samsvar med offentleglova §25 gjer vi merksam på at opplysningar om søkjaren kan bli offentleggjorde sjølv om søkjaren har bede om å ikkje bli ført opp på søkjarlista.
Kontaktperson: For nærmare opplysningar om stillinga: Kontakt avdelingsdirektør Alexander Wiken Lange på tlf. 980 16 396.
Om arbeidsgiveren
Bustad- og bygningsavdelinga har ansvaret for å følge opp bustad- og bygningspolitikken til regjeringa. Avdelinga har etatsstyringsansvaret for Husbanken, Direktoratet for byggkvalitet og Husleietvistutvalget.
- Sektor: Offentlig
- Sted: Akersgata 59, 0180 Oslo
- Bransje: Offentlig administrasjon
- Stillingsfunksjon: Saksbehandler, Samfunnsviter
(1/3)
meta.heading
- FINN-kode 363106227
- Sist endret