![](https://images.finncdn.no/dynamic/1280w/2018/10/vertical-5/17/8/a81/88a/d0-/d1f/a-1/1e8/-8c/5e-/27d/e2c/722/f68_450336433.png)
Arbeids- og utdanningsspesialist
Helse Bergen
- Frist 01.09.2024
- Ansettelsesform Engasjement
Arbeids- og utdanningsspesialist
Vi søker engasjert og initiativrik medarbeidar som ønsker å jobbe med arbeid og aktivitet, kombinert med behandling i vårt FACT-team. Psykosepoliklinikk FACT på Øyane DPS søker etter arbeids- og utdanningspesialist til 3 årig prosjektstilling. Den som blir tilsett vil kunne vere med å forme ein helt ny stilling og bli ein del av eit større nasjonalt nettverk i regi av NAPHA. Rolla som arbeids - og utdanningsspesialist inneber å gi bistand til meistring og deltaking i arbeid og utdanning, samt moglegheiter for meiningsfull aktivitet.
Psykosepoliklinikk FACT består av eit tverrfagleg team som arbeider i samsvar med FACT modellen, og samtidig ivaretar polikliniske oppgåver som utgreiing, diagnostisering og behandling av alle pasientar med psykoseliding eller mistanke om psykose. Vi gir eit breitt og samansett behandlingstilbod og samarbeider tett med ulike tenesteytarar både i 1. og 2. linje. Teamet jobbbar tverrfagleg og er sett saman av psykiater, psykologspesialist, psykolog, psykiatrisk sjukepleiar/vernepleiar, merkantil konsulent, erfaringskonsulent, musikkterapeut og IPS jobbspesialist. Vi har ansvar for pasientar som er underlagd tvungent psykisk helsevern utan døgn.
Øyane DPS er eit av tre DPS knytt til Divisjon psykisk helsevern ved Haukeland universitetssjukehus. Klinikken er lokalisert i naturskjønne omgjevnader på Straume i Øygarden kommune, om lag 15 min køyring frå Bergen sentrum. Klinikken har sektoransvar for Askøy og Øygarden med om lag 51 000 innbyggjarar over 18 år. Kommunane er i vekst og vi har god kontakt med primærhelsetenesta og fleire samhandlingsprosjekt som er under arbeid. Øyane DPS ønsker å vere førande i å prioritere fagutvikling gjennom kurs, konferansar og anledning til fordjuping og vidareutdanning. Vi legg stor vekt på psykologspesialistane sine eigne ønsker og moglege rammer. Vi reknar det som viktig å vere både lydhøyr og fleksibel, og kan tilby konkuransedyktige vilkår.
3 årig prosjektstilling med tiltredelse snarast. Søkarar som ønsker redusert stilling blir også oppmoda til å søke.
Arbeidsoppgåver
- «Case manager» etter FACT modellen
- Miljøterapeutisk oppfølging av pasientar gjennom individuelle samtalar i poliklinikk og ambulerande/ oppsøkande verksemd
- Samhandling med kommunehelsetenesta, NAV og andre delar av spesialisthelsetenesta
- Drift av grupper, undervisning og ulike rettleiingsoppgåver
- Bidra til fagutvikling i teamet
- Bistå med arbeids- og utdanningsrelatert kompetanse og praktisk bistand i teamet
Kvalifikasjonar
- Bachelorutdanning innan helse, sosialfag eller pedagogikk
- Vidareutdanning er ønskeleg, men lang erfaring frå arbeid med FACT og/eller målgruppa kan vege opp for manglande vidareutdanning
- Særskild kompetanse vil bli lagt vekt på
- Førarkort for bil klasse B
- Den som blir tilsett må meistre norsk svært godt, både munnleg og skriftleg
- Norsk autorisasjon
Personlege eigenskapar
- Du er robust og toler å hjelpe mennesker i sårbare livssituasjonar
- Du tilpassar deg lett og er løysingsorientert og fleksibel
- Du har engasjement for pasientgruppa og ønsker å vidareutvikle egen kompetanse og tenestetilbodet vårt
- Du arbeider målretta og toler å stå i krevande situasjonar
- Du er god til å sjå kva som må gjerast, og tilbyr og mottar gjerne hjelp
- Du trivst med å arbeide i team, og kommuniserer og samarbeider godt med pasientar, pårørande og kollegaer
- Personleg egnethet vil bli vektlagt
Vi tilbyr
- Vere med å etablere nytt tilbod og utformning av stillinga
- Delta i et nasjonalt nettverk for Arbeids og utdanningsspesialistar i regi av NAPHA
- Vere ein del av eit tverrfagleg team med høg fagleg kompetanse
- Varierte arbeidsoppgåver med faglege utfordringar
- Godt arbeidsmiljø prega av openheit og interesse for fagleg utvikling av tenestetilbodet, og for individuell fagleg utvikling
- Fleksibel arbeidstid og moglegheit til å forme eigen arbeidskvardag
- Ein arbeidsplass som er ein inkluderande arbeidslivsbedrift (IA)
- Gode pensjons- og forsikringsordningar
- Lønn i samsvar med gjeldande overeinskomst
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du legge ved godkjenning frå Direktoratet for høyere utdanning og kompetanse i søknaden (hkdir.no). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Blombakkane, 5353 Straume
- Bransje: Helse og omsorg
- Stillingsfunksjon: Helsepersonell / Vernepleier/miljøterapeut, Helsepersonell, Undervisning og pedagogikk / Andre pedagoger
- Arbeidsspråk: Norsk
Nøkkelord
Arbeids- og utdanningsspesialist, Øyane DPS, helsefag, sosialfag, pedagogikk
- FINN-kode 366117648
- Sist endret
Lignende annonser
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Rotam AS, Assent AS logo](https://images.finncdn.no/dynamic/480w/logo/result/3630173/iad_5299485182610562369assent_logo.png)
![Mio BPA logo](https://images.finncdn.no/dynamic/480w/2024/8/vertical-0/08/5/364/709/985_8fa65bd9-e76a-4a02-a431-fc8103ab0376.png)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
Vi har ledig fast stilling som psykologspesialist/psykolog ved BUP Sentrum!
Helse Bergen
![Solli DPS logo](https://images.finncdn.no/dynamic/480w/2024/8/vertical-0/09/0/364/938/220_84c4c3c7-7ef1-4e2d-a3b9-454f198290c2.jpg)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)