Fagarbeidar/assistent Sinnes skule

Det er ledig stilling i inntil 60% som fagarbeidar/assistent ved Sinnes skule frå 01.09.24

Sinnes skule er ein fådelt skule med om lag 50 elevar. Opplæringsmålet er nynorsk. Grunnskulane i Sirdal kommune arbeider aktivt med skuleutvikling i eit profesjonsfellesskap. Skulane arbeider kontinuerleg med å sikra elevane eit godt læringsmiljø, noko alle i skulemiljøet må bidra til.

Den som blir tilsett, skal delta i planlegging, utvikling og gjennomføring av det daglege arbeidet i skulefritidsordninga og som assistent i skuletida.

Ønska kvalifikasjonar:
Me ønskjer søkjarar med utdanning innan barne- og ungdomsarbeidarfaget. Anna relevant kompetanse og relevant praksis vil bli vurdert. Den som blir tilsett, må levera godkjend politiattest.

Personlege eigenskapar:

Me ønskjer fleksible søkjarar med god samarbeidsevne og kreativitet, som likar å arbeida med barn og er opptekne av å byggja gode relasjonar. Søkjarar må ha evne til sjølvstendig arbeid, og meistra både munnleg og skriftleg norsk. Personlege eigenskapar blir lagt vekt på.

Anna:

Opningstidene i skulefritidsordninga er for tida 06.45-16.00, fordelt på morgonøkt 06.45-08.50 og ettermiddagsøkt 14.20-16.00 alle dagar utan onsdagar. Onsdagar og heile dagar i ferietilbodet har same opningstid.

For stillinga gjeld:

Løn og tilsetting på kommunale vilkår etter gjeldande lov- og avtaleverk.
Tilsettingsforholdet er med Sirdal kommune, ikkje den einskilde arbeidsstaden. Søkjarar kan ønskja arbeidsstad, men tilbod om stilling kan fråvika dette.

Me tek atterhald om intern overføring/rokkering, omorganisering, forrett etter HTA eller ved overtal.

Me ønskjer at alle nyttar elektronisk søknadsskjema til stillingar i Sirdal kommune

Spørsmål om stillinga kan du retta til rektor Åse-Berit Fidjeland, tlf. 94521258.