![](https://images.finncdn.no/dynamic/1280w/2020/12/vertical-5/04/1/5f2/e67/80-/361/2-1/1eb/-bb/01-/dd5/434/8f1/201_402531410.jpg)
Vil du utvikle framtidas Norge?
Digitaliseringsdirektoratet
- Frist 16.09.2024
- Ansettelsesform Fast
Rådgjevar/Seniorrådgjevar
Vil du utvikle framtidas Norge?
Om stillinga
Digitaliseringsdirektoratet utviklar digitale fellesløysingar som gjer Norge enklare! Me søker ein erfaren systemutviklar til arbeidet med utvikling av nasjonale fellesløysingar.
Du vil bli del av teamet som utviklar eFormidling og ELMA:
eFormidling gjer det mogleg å kommunisere på ein enkel måte, utan å måtte ta omsyn til om mottakaren er privat verksemd, offentleg verksemd eller innbyggar.
ELMA er eit norsk adresse- og kapabilitetsregister, og er ein av nøklane til det offentlege sin omfattande bruk av elektronisk faktura.
Hjå oss blir du del av eit av Norges fremste kompetansemiljø innan systemutvikling. Me har stort fokus på sikkerheit og tilgjengelegheit, og arbeider med spennande teknologiar. I vår avdeling blir du ein del av eit større fagmiljø på om lag 30 utviklarar. Du vil møte varierte arbeidsoppgåver og gode moglegheiter for personleg utvikling. Vi arbeider smidig og har stor grad av autonomitet. Du kjem til å arbeide med fagmiljø både i og utanfor Digdir.
Stillinga er fast med kontorstad på ein av våre lokasjonar i Sogndal, Brønnøysund eller Oslo.
Dine oppgåver
- systemutvikling i eit smidig, DevOps-orientert produktteam med ansvar frå krav til produksjon
- delta i design, utvikling og forvaltning av våre fellesløysingar
- bidra til at sikkerheit og ytelse blir ivareteke
- vere pådrivar for kvalitet i kodeleveranse og rettleie andre utviklarar
- jobbe med avansert arkitektur for eksisterande og nye løysingar ved bruk av sky-teknologi
- fullstack-utvikling - med hovedfokus på backend - jobbe med alt fra REST API-er til integrasjon og database
Kvalifikasjonar
Du må ha:
- bachelor- eller masterutdanning innan programmering/systemutvikling (lang og særleg relevant erfaring kan kompensere for noko av utdanningskravet)
- minst tre års relevant erfaring innanfor systemutvikling
- god munnleg og skriftleg framstillingsevne på norsk og engelsk
Avhengig av erfaring og utdanning ønskjer vi at søkjarane har god kunnskap og erfaring frå eitt eller fleire av følgjande område:
- systemutvikling i Java, gjerne med god kjennskap til Spring-rammeverket
- løysingsarkitektur som støttar kontinuerlege leveransar
- teamarbeid med utvikling basert på smidige metodar
- kvalitet i kodeleveranse inkludert modellering, "clean code" og testing
- erfaring med applikasjonssikkerheit og utvikling
- erfaring med drift og utvikling av sky- og container-baserte applikasjoner, spesielt Kubernetes
Vi søkjer deg som
- kan jobbe sjølvstendig og i team
- tek initiativ når du ser nye moglegheiter
- er engasjert, strukturert, analytisk og løysingsorientert
- har stor arbeidskapasitet og god gjennomføringsevne
- ønskjer å ta ansvar i teamet og er open for å lære ny teknologiar og metodikk
Vi tilbyr deg
- arbeidsoppgåver på eit felt prega av høg utviklingstakt og eit spennande samfunnsoppdrag
- eit godt arbeidsmiljø med ein uformell tone og stor vilje til å skape noko saman
- løn etter avtala
- medlemskap i Statens pensjonskasse (http://www.spk.no) som er ei av landets beste pensjonsordningar med gunstig bustadlån og gode forsikringsordningar
- familievenleg personalpolitikk med gode arbeidstidsordningar
- opning for to timar trening i veka i arbeidstida
Les meir om å jobbe i staten på Arbeidsgiverportalen (https://arbeidsgiver.difi.no/lonn-goder-og-reise).
I tillegg til spennande faglege utfordringar kan vi også tilby kombinasjon av fleksibel arbeidstid og fantastiske mogelegheiter for kortreiste friluftseventyr i kvardagen. Visste du at Sogn er kjent for sin gode laussnø og fantastiske sykkelstiar?
Inkluderande arbeidsliv og mangfald
Vi har tru på at mangfald er ein viktig byggestein i eit godt, spennande og utviklande arbeidsmiljø, og vi oppfordrar alle kvalifiserte kandidatar til å søke. Rett kompetanse på rett stad er vår viktigaste prioritering når vi rekrutterer, og vi vil legge til rette for at personar med nedsett funksjonsevne også kan jobbe hos oss.
Vil du vite meir?
Synes du dette høyrest interessant ut og ønskjer nærare informasjon, kontakt gjerne
Seksjonssjef Jørn Stenehjem
E-post: jorn.stenehjem@digdir.no
Telefon: 91146279
Vitnemål og attestar må følge søknaden. Vi ber om at du hentar vitnemål frå Vitnemålsportalen direkte i Jobbnorge når du søker stillinga. Har du teke heile eller delar av utdanninga di i utlandet, ber vi om ei autorisert oversetting av papir og vitnemål, og godkjenning frå Direktoratet for høyere utdanning og kompetanse. (https://hkdir.no/utdanning-fra-utlandet)
Søkarlister kan bli offentleggjort iht. offentleglova § 25. Dersom du ønsker å reservere deg frå oppføring på offentleg søkarliste, må dette begrunnast. Opplysningar kan bli offentleggjort sjølv om du har bedt om ikkje å bli oppført på søkerlista. Du vil i så fall bli varsla.
Om arbeidsgiveren
- Sektor: Offentlig
- Sted: Skrivarvegen 2, 6863 Leikanger
- Bransje: IT, IT - programvare, Offentlig administrasjon
- Stillingsfunksjon: IT utvikling / Utvikler (generell)
- FINN-kode 367390971
- Sist endret
Lignende annonser
![BKK AS logo](https://images.finncdn.no/dynamic/480w/2024/6/vertical-0/28/9/359/086/139_383f1a33-4c41-4bbc-809d-acb85c59428b.jpg)
Vil du vere med å skape framtidas kommune i Sogndal?
Sogndal kommune Sogndal kommune
![Luster Sparebank logo](https://images.finncdn.no/dynamic/480w/2024/8/vertical-0/19/4/366/643/764_cba27100-da4f-48d3-890b-46cec67a713a.jpg)
![Sogn Eigedomsdrift AS c/o Einarsen Eigedom AS logo](https://images.finncdn.no/dynamic/480w/2024/8/vertical-0/12/3/365/458/973_f8610f71-a53f-4b8f-9628-0bbdd555cec0.png)
![Statkraft AS logo](https://images.finncdn.no/dynamic/480w/2024/8/vertical-0/09/2/364/910/232_427027e7-fa04-421b-bd4c-10d5c9dc0ce8.jpg)
![ISS Facility Services AS logo](https://images.finncdn.no/dynamic/480w/logo/result/11656902/iss_logo_edge_4c_61724.png)
![Bjørklund Norge AS logo](https://images.finncdn.no/dynamic/480w/2024/5/vertical-0/30/4/355/077/104_32acbd38-f9e2-40c7-8cbc-fb794aa8271d.png)