Avdelingssjef
Helse Førde
- Frist 15.09.2024
- Ansettelsesform Fast
Avdelingssjef
Vi har ledig stilling som avdelingssjef for avdeling AIO i Helse Førde.
Vi søkjer ein handlingsorientert avdelingssjef som kan leie arbeidet med å utvikle og bygge ei ny avdeling gjennom å skape entusiasme for utviklingsarbeid og endring. Avdelinga er ei av 7 avdelingar i kirurgisk klinikk. Avdelinga har eit stort spenn i aktiviteten og dekker seksjonane anestesi, intensiv, operasjon, dagkirurgi, sterilsentral og leger anestesi. Legetenesta knytt til luftambulanse og redningshelikopter i Florø er lagt under seksjon legar anestesi.
Avdelinga har også ansvar for AIO tenestene ved lokalsjukehusa i Lærdal og Nordfjord. Avdelinga har eit tverrfagleg miljø med om lag 240 tilsette.
Innflytting i nytt sjukehusbygg i haust med m.a. 10 nye operasjonssalar, ny sterilsentral og fortsatt drift også i den eldre delen av Førde sentralsjukehus, vil stille store krav til den som vert tilsett i forhold til leiing og omstillingsevner. I tillegg til å drive ei avdeling med mange og komplekse oppgåver, er vi ute etter ein person som kan tenkje heilskapleg og utføre jobben med Helse Førde sitt beste som mål.
Avdelingssjefen rapporterar til direktør for kirurgisk klinikk og deltar i leiargruppa hans..
Kvinner vert oppmoda om å søkje.
Tiltreding snarast.
Arbeidsoppgåver
- Avdelingssjef har overordna ansvar for fag, økonomi og personal
- Avdelingssjef samarbeider tett med seksjonsleiarane i avdelinga Internkontroll og verksemdsstyring (pasienttryggleik, arbeidsmiljø og ressursstyring)
- Strategi og utviklingsarbeid – spesielt tenesteutvikling i samband med nye Førde sjukehus
- Koordinere aktivitetar og oppgåver på tvers av seksjonane i avdelinga
- Samhandling internt og eksternt med andre avdelingar og samarbeidsaktørar
- Ansvar for fagleg utvikling av dei tilsette og å leggje til rette for forsking
- Aktiv deltaking i klinikken si leiargruppa med eit overordna perspektiv på klinikken sine oppgåver og utvikling
Kvalifikasjonar
- Helsefagleg bakgrunn på minimum bachelornivå. Særs relevant erfaring kan kompensere for manglande utdanning.
- Relevant leiarutdanning og -erfaring er ønskjeleg
- Erfaring frå prosjekt- og endringsarbeid er ønskjeleg
- Erfaring frå samarbeid på tvers av yrkesgrupper, avdelingar og frå partssamarbeid er ein fordel
- Gode evner til saksførebuing og skriftleg framstillingsevne
Personlege eigenskapar
- Gode samarbeidsevner for å skape eit godt fag- og arbeidsmiljø
- Evne til å gjere andre gode, er engasjert og engasjerer andre
- Tydeleg og strukturert som leiar, og har ein inkluderande leiarstil
- Resultat- og løysingsorientert
- Analytisk, strategisk og innovativ (nytenkjande og framtidsretta)
- Bidrar til å skape eit godt, trygt og lærande arbeidsmiljø
- Lojal mot overordna mål og styringssignal i klinikken/føretaket
- Personlege eigenskapar og motivasjon vert vekta høgt.
Vi tilbyr
- Fagleg og personleg utvikling
- Leiarutviklingsprogram
- Løn etter avtale
- Gode pensjons- og forsikringsordningar
- Utfordrande og spennande stilling i samspel med mange engasjerte og dyktige kolleger
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Om arbeidsgiveren
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Svanehaugvegen 2, 6812 Førde
- Bransje: Helse og omsorg
- Stillingsfunksjon: Ledelse
- Arbeidsspråk: Norsk
Nøkkelord
Avdelingssjef, Leiar, Leder, Personal, Økonomi
meta.heading
- FINN-kode 368268177
- Sist endret