Psykologspesialist/Psykolog

Har du lyst til å arbeide med spesialisert rusbehandling i eit godt og fagleg utviklande miljø? Vi har no 2 ledige stillingar for psykolog/psykologspesialist i vår poliklinikk ved Avdeling for rusmedisin (AFR)!

Poliklinikk Murhjørnet held til i moderne lokale i Bergen Sentrum, og tilbyr tverrfagleg spesialisert behandling for menneske med ruslidingar og avhengigheits-problematikk, ofte i kombinasjon med psykiske lidingar (ROP tilstandar). Vi tilbyr behandling både individuelt og i gruppe. Vi gjev òg tilbod om musikkterapi og pårørandeoppfølging. Poliklinikken gjev tilbod til pasientar frå 15 år og oppover. Poliklinikken har fast samarbeid med "Jobb først" (IPS) konsulentar, som held til i poliklinikken og tilbyr arbeidsretta oppfølging.

Poliklinikken er del av Avdeling for rusmedisin, som er landets største eining innan tverrfagleg spesialisert rusbehandling (TSB) og som og har behandlingstilbod i form av mellom anna ambulant behandling, legemiddelassistert rehabilitering (LAR) og ulike døgnbehandlingstilbod. Avdelinga har eigen forskingsseksjon med ei rekke spennande prosjekt.

I stillinga som psykologspesialist/psykolog i poliklinikken vår vil du ta del itverrfagleg team, beståande av psykologar, legar, sosionomar,spesialsjukepleiar, vernepleiarar, musikkterapeutar og erfaringskonsulent.Til saman er det ca 40 årsverk knytta til poliklinikken. For den eine av dei utlyste stillingane vil 50% av stillingavil vere knytt til tiltaket "Stifinnaren". "Stifinnaren" ereit samarbeidsprosjekt mellom AFR og Kriminalomsorgen, og har som mål å førebuinnsatte ved Bjørgvin Fengsel til betre rusmeistring etter lauslating. Her vildu arbeide i tverrfagleg team med tilsette frå AFR og Kriminalomsorgen. Denandre halvdelen av stillinga vil vere knytt til den ordinære poliklinikken. Den andre utlyste stillinga er i sin heilskap knytt til poliklinikken.

Det er godt lagt til rette for samarbeid og drøftingar i dei enkelte pasientforløpa. Fleire av dei tilsette er i ulike vidareutdanningar, og for ikkje-spesialister blir det lagt til rette for relevant spesialisering. Det er regelmessig internundervisning, faste fagdagar og avdelinga legg òg til rette for både individuell vidareutdanning og felles kompetanseheving.

Arbeidsoppgåver

• Utgreiing og behandling av rusmiddelavhengige, dette ofte i kombinasjon med psykiske helsetilstandar. Samhandling og rettleiing av samarbeidspartnarar internt og eksternt mot kommunale tenester
  
• Oppfølging av innsette ved Bjørgvin Fengsel gjennom "Stifinnaren"
  
• Poliklinikken er opptatt av å utvikle differensierte tenester, mellom anna har vi fleire tilbod om gruppetilbod (m.a traumestabiliserande gruppe, psykoedukativ ADHD-gruppe og mindfullnesbasert tilbakefalls-førebygging). Fordjuping knytta til deltaking i poliklinikkens spesialiserte tilbod kan bli aktuelt. Deltaking i internt utviklingsarbeid og rettleiing er forventa

Kvalifikasjonar

• Erfaring med arbeid innan rusbehandling og psykisk helsevern vil vere ein fordel, nødvendig rettleiing vil ellers bli gitt
  
• Norsk autorisasjon som psykolog
• Særs gode kunnskapar i norsk, både munnleg og skriftleg

Personlege eigenskapar

• Du bidrar positivt til eit fagleg og kollegialt godt miljø
  
• Du trivst med å arbeide i eit tverrfagleg miljø og meistrar høgt tempo
  
• Du har god fagleg vurderingsevne, er fleksibel og løysingsorientert, og arbeidar målretta og strukturert
  
• Du må kunne arbeide godt både sjølvstendig og i team
  
• Du tåler å stå i krevande situasjonar
  

Vi tilbyr

• Lønn etter avtale
• Gode pensjons- og forsikringsordningar
• Triveleg arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.