![Lovisenberg Diakonale Sykehus logo](https://images.finncdn.no/dynamic/480w/logo/result/449284771/iad_591500518367495975lds3_logo_liten.png)
![](https://images.finncdn.no/dynamic/1280w/2022/4/vertical-5/29/a/7f9/7db/00-/c7b/1-1/1ec/-b3/83-/115/433/238/30a_402548855.png)
Radiograf
Helse Møre og Romsdal HF
- Frist 17.09.2024
- Ansettelsesform Fast
Radiograf
Vi har ledig ei fast 100% stilling og eit fulltidsvikariat som radiograf frå snarast - 31.10.2025, med høve til forlenging.
Er du ein engasjert radiograf som er trygg på å arbeide sjølvstendig, men som også ynskjer å vere del av eit sterkt fagmiljø og bidra inn i eit livleg kollegium? Då ynskjer vi å kome i kontakt med deg!
Seksjonen vår i Volda tilhøyrer Avdeling for radiologi Ålesund og Volda, og har ein CT, ein MR, tre skjelett-labar,ultralyd og osteodensimetri.Volda sjukehus har traumefunksjon, og det skjer ei stor utvikling ved sjukehuset med utviding ogoppgradering. Vi har nyleg fått ny MR i avdelinga og takhengt røntgen i mottak.
Kan dette vere interessant for deg? Eller ynskjer du kanskje å høyre om andre stillingsstørrelsar eller moglegheiter hos oss? Ta kontakt!
Vert det intern tilsetting i fast stilling, vert det ledig vikariat for radiograf i samme periode.
Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn.
Sjå meir om Volda her: https://www.youtube.com/watch?v=FHDuVf1TpYY og her: https://www.youtube.com/watch?v=NGSg6xygovY-
Vi ber om at vitnemål og attestar/tenestebevis frå evt. tidlegare arbeidsforhold blir lasta opp som vedlegg til CV/søknad
Arbeidsoppgåver
- Radiograffaglege oppgåver i ein seksjon med variert drift
- Deltaking i gjeldande vaktordning
- Å bidra i oppgåver som til ei kvar tid ligg til avdelinga, i samarbeid med andre profesjonar og einingar.
Kvalifikasjonar
- Norsk autorisasjon som radiograf
- Relevant erfaring blir vektlagt
- God meistring av norsk og engelsk, både munnleg og skriftleg
Personlege eigenskapar
- Vi ønskjer ein initiativrik og fagleg engasjert person
- Du må ha evne og vilje til samarbeid i ein aktiv arbeidskvardag, og medvirke til eit positivt og godt samarbeidsmiljø
- Du må vere nøyaktig og ha god arbeidskapasitet
Personlege eigenskapar vil bli vektlagt ved tilsetting
Vi tilbyr
- Sterkt tverrfagleg samarbeid
- Ein inkluderande arbeidsplass
- Løn etter gjeldande overeinskomstar
- Medlemskap i god offentleg pensjonsordning og fordelaktige forsikringsvilkår
- Ein arbeidsplass midt i eit eldorado av opplevingar, både når det gjeld natur og kultur
Om arbeidsgiveren
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal
- Sektor: Offentlig
- Antall stillinger: 2
- Sted: Kløvertunvegen 1, 6103 Volda
- Bransje: Helse og omsorg
- Stillingsfunksjon: Helsepersonell / Radiograf
- Arbeidsspråk: Norsk
Nøkkelord
radiograf, volda
- FINN-kode 369489547
- Sist endret
Lignende annonser
![Lovisenberg Diakonale Sykehus logo](https://images.finncdn.no/dynamic/480w/logo/result/449284771/iad_591500518367495975lds3_logo_liten.png)
![Martina Hansens Hospital AS logo](https://images.finncdn.no/dynamic/480w/logo/result/1172248063/iad_7149764560762661710martina_hansens_hospital.png)
![Helse Førde logo](https://images.finncdn.no/dynamic/480w/logo/result/0/logo_hf_48202.png)
![Sørlandet sykehus HF logo](https://images.finncdn.no/dynamic/480w/logo/result/4244272/iad_7362380910838914926s_rlandet_sykehus_hf.png)
![Akershus universitetssykehus HF logo](https://images.finncdn.no/dynamic/480w/logo/result/1035363383/iad_3114434523749424445ny_logo_april_2016.png)
![Klinikk for bildediagnostikk logo](https://images.finncdn.no/dynamic/480w/2024/8/vertical-0/14/4/365/736/934_5eb3227d-1e2a-4595-8e43-05027865f93a.jpg)
![Vestre Viken logo](https://images.finncdn.no/dynamic/480w/logo/result/1379769517/iad_6568247573073867599stream_file.png)
![Extra Rotset Volda logo](https://images.finncdn.no/dynamic/480w/logo/result/1327281980/iad_2121552250441324711coop_extra_logo.png)