Rådgjevar/seniorrådgjevar
Vestland fylkeskommune
- Frist 29.09.2024
- Ansettelsesform Fast
Rådgjevar/seniorrådgjevar
Har du lyst til å vere med å utvikle vidaregåande opplæring i Vestland? Vi søkjer deg som er systematisk, løysingsorientert, har gode samarbeidsevner, og som vil vere med å utvikle vidaregåande opplæring i Vestland. Vestland fylkeskommune skal gje ungdom og vaksne vidaregåande opplæring med høg kvalitet. Den vidaregåande opplæringa skal bidra til berekraftig forvaltning av ressursar og til gode og vekstkraftige lokalsamfunn og sterke by- og senterområde gjennom mellom anna eit breitt og likeverdig opplæringstilbod.
Kvar dag får 30 000 ungdommar og vaksne opplæring i skule og bedrift.Vestland fylkeskommunehar 43 vidaregåande skular, fagskule, produksjonsskule og folkehøgskule, vi er omlag 5000 tilsette og vårt årlege driftsbudsjett er på omlag 3,4 mrd. Når ungdom og vaksne søker skuleplass eller skal ut i lære, er det seksjon inntak, forvaltning og sluttvurdering som handterer dette. Seksjonen administrerer alt inntak til vidaregåande opplæring og har ansvar for lærekontraktar, godkjenning av lærebedrifter og opplæringskontor. Seksjonen har òg ansvar for eksamen og fag-/sveineprøvar og forvaltar dokumentasjon som vitnemål, kompetansebevis og fag-/sveinebrev.
Dirketør for opplæring og kompetanse har ledig ei stilling som rådgjevar/seniorrådgjevar ved seksjon for inntak forvalting og sluttvurdering. Stillinga inngår i eit team som arbeider med eksamen og dokumentasjon. Arbeidstad er Leikanger.
Arbeidsoppgåver
- Administrasjon av elev- og privatisteksamen
- Arbeid med eksamensoppgåver
- Informasjonsarbeid
- Støtte for skulane i problemstillingar knytt til eksamen og dokumentasjon.
- Rutineutvikling og arbeid med retningslinjer
- Utviklingoppgåver og arbeid med prosjekt
Kvalifikasjonar
- Mastergrad eller tilsvarande.
- God administrativ IT-kompetanse og systemforståing
- God skriftleg og munnlegframstillingsevne
- Kjennskap til vidaregåande opplæring, opplæringslova og forskrifter
Personlege eigenskapar
Vi ser etter ein person med gode samarbeids- og kommunikasjonsevner. Du må ha stor arbeidskapasitet, vere sjølvstendig og kunne samarbeide godt med andre. Du er oppteken av forbetring og utvikling og flink til å sjå løysingar.
Vi tilbyr
- Meiningsfulle og spennande arbeidsoppgåver
- Godt arbeidsmiljø og flinke kollegaar
- Digital samhandling i eit fagfelleskap som har fleire kontorstadar.
- Løn etter tariff
- Gode forsikrings- og pensjonsordningar
Andre opplysingar
Administrasjonsspråket i Vestland fylkeskommune er nynorsk.
Alle nytilsetjingar vert gjort med ei prøvetid på 6 månader.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Seksjonen har tilsette som arbeider i Bergen, Førde og på Leikanger. Denne stillinga har kontorstad på Leikanger.
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.
- Sektor: Offentlig
- Sted: Askedalen 2, 6863 Leikanger
- Bransje: Offentlig administrasjon
- Stillingsfunksjon: Rådgivning
- Arbeidsspråk: Norsk
meta.heading
- FINN-kode 370523041
- Sist endret