Psykolog i TSB poliklinikk
Helse Bergen
- Frist 28.09.2024
- Ansettelsesform Vikariat
Psykolog i TSB poliklinikk
Vi har ledig to vikariat for psykolog. Eit i vårt MBT-team, og eit i sektorteam. Begge ved Avdeling for rusmedisin (AFR) sin poliklinikk i Kanalveien.
MBT-teamet i AFR er eit solid og unikt fagmiljø i nasjonal og internasjonal samanheng. Vi arbeider metodisk og systematisk med behandling gjennom vekentleg videorettleiing i team og ekstern rettleiing av prof. Anthony Bateman. Vi tilbyr pasientar kombinert individual- og gruppeterapi med ei lengd på inntil 3 år. Vi har i dag 4 grupper, der ei er retta mot pasientar med dyssosial problematikk. Vi har fleire pågåande forskingsprosjekt knytt til behandlinga som blir tilbydd i teamet. Vi er medlem i nettverk for personlighetsforstyrrelser, som er eit nasjonalt klinisk forskingsnettverk. Det er gode moglegheiter for fagleg utvikling gjennom kurs og rettleiing frå leiande fagpersonar.
Sektorteamet arbeider med generalisert behandling av avhengighetslidingar i opptaksområda til Betanien og Voss.
Poliklinikken flyttar til heilt nye lokale i Engenhuset i Bergen sentrum i løpet av 2024. I poliklinikken er det 36 tilsette, av desse er 9 psykologspesialistar, 11 psykologar og 2 overlegar. Den tverrfaglege bemanninga består elles av erfarne sosionomar, spesialsjukepleiarar, vernepleiarar og musikkterapeut, samt to merkantilt tilsette. Ein sosionom i kvart team tar ansvar for sosialfaglege oppgåver, slik at terapeutane kan ha hovudfokus på terapi og endringsprosessar. I tillegg samarbeider teama med jobbkonsulentar (IPS), som har fokus på å hjelpe pasientar som ønsker det inn i ordinært, lønna arbeid.
Vikariata er er ledige frå januar 2025 og i eit år.
Arbeidsoppgåver
- Utgreiing og behandling av rusavhengige, ofte ROP-tilstandar
- Samhandling og rettleiing av samarbeidspartnarar internt og eksternt mot kommunale tenester
- Deltaking i internt utviklingsarbeid og rettleiing er forventa
- Individualterapi og gruppeterapi
Kvalifikasjonar
- Norsk autorisasjon som psykolog
- Særs gode kunnskapar i norsk, både munnleg og skriftleg
- Godkjend spesialitet i klinisk psykologi
- Erfaring med arbeid innan rusbehandling, psykisk helsevern eller fengsel/ kriminalomsorg vil vere ein fordel
- Erfaring med mentaliseringsbasert terapi vil vere ein fordel
- Interesse for eller erfaring med forsking og utarbeiding av søknader til forskingsmidlar vil vere ein fordel
Personlege eigenskapar
- Du bidrar positivt til eit fagleg og kollegialt godt miljø
- Du trivast med å arbeide i eit tverrfagleg miljø og meistrar høgt tempo
- Du har god fagleg vurderingsevne, arbeider målretta og strukturert
- Du må kunne arbeide godt både sjølvstendig og i team
- Du arbeider målretta og toler å stå i krevande situasjonar
- Personleg egnethet
Vi tilbyr
- Lønn etter avtale
- Gode pensjons- og forsikringsordningar
- Triveleg arbeidsmiljø
- Høgt fagleg nivå og engasjement
- Fagleg og personleg utvikling
- Ein arbeidsplass som er ei inkluderande arbeidsliv-bedrift (IA-bedrift)
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Antall stillinger: 2
- Sted: Kanalveien 5, 5068 Bergen
- Bransje: Helse og omsorg
- Stillingsfunksjon: Psykolog
- Arbeidsspråk: Norsk
Nøkkelord
psykolog, rusmedisin, AFR, rusmedisin, poliklinikk, psykolog
meta.heading
- FINN-kode 371111160
- Sist endret