Hei, du! Vi søkjer etter ein inkluderande og synleg rektor! Er det deg?

Til å leie Sauland skule søker vi nå ein tydeleg og inkluderande rektor som skal vidareutvikle skulen i tett samarbeid med tilsette, elevar og føresette. Vi søkjer etter ein leiar som har ambisjonar på vegne av elevane og som bidreg til utviklingsarbeid saman med tilsette for å utvikle skulen til beste for elevane si læring.

Vi har ledig 100% fast stilling som rektor ved Sauland skule frå 01.01.2025

Interessant? Les vidare, da vel!

Dette er Sauland skule

Sauland skule er ein ny flott og moderne skule som har 125 elevar frå 1.-10. trinn!
På skulen lærer og utviklar elevane faglege og sosiale kunnskapar og ferdigheiter i samspel med andre. Vi har fokus på å skape eit trygt og godt læringsmiljø der det er rom for alle. På skulen har vi eit flott uteområde med mellom anna ballbinge, sykkelbane, gapahuk og ulike leikeapparat Vi har kort veg til friluftsområde som gir gode moglegheiter for alternative læringsarenaer, uteskule og leik.

Dette tilbyr vi deg

Vi er ein liten skule, men det er til vår fordel! Kom tettare på engasjerte kollegaer og lærelystne elevar på ein skule med høge mål.

Som einingsleiar og skulens øvste leiar får du eit overordna totalansvar for skulen.

Du får utvikle arbeidsplassen din

• Vidareutvikle eit trygt, varmt og inkluderande læringsmiljø.
• Totalansvar for verksemda, inkludert personal- og budsjettansvar.
• Leie det pedagogiske utviklingsarbeidet i tråd med LK20 som bidreg til å auke læringsutbyttet for kvar einskild elev.
• Linene for avgjersle er korte i Hjartdal, og det er lett å halde styr på og oversikt over alt som går føre seg i kommunen.

Du får leie engasjerte kollegaer og elevar

• Leie og motivere medarbeidarar til samarbeid og målretta innsats til det beste for elevane.
• Leie og vidareutvikle skulen sitt profesjonsfelleskap.
• I Hjartdal kommune ønskjer vi at du skal ha det bra. Du får leiarstøtte og får vere med i kommunedirektøren si leiargruppe.
• Utøve tillitsbasert leiing og sikre involvering, deling og samarbeid.

Du får samarbeide tett innan og utanfor arbeidsplassen

• Bidra i tverrfagleg samarbeid og i kommunen si leiargruppe.
• Arbeide med tverrfagleg samarbeid om barn og unge si oppvekst på tvers av heile oppvekstsektoren.
• Sikre god elevmedverknad, samt eit godt samarbeid med føresette og eksterne samarbeidspartnarar.

Vi trur dette er deg

Vi trur du har eit engasjement for det du held på med, og ein nysgjerrigheit for dei rundt deg.

Du er ein nærverande leiar

Samtidig som du er god på administrative oppgåver, vil du også motivere og inspirere dine tilsette til å ha ein god dag. Du ønskjer å skape tillit, engasjement og legg til rette for innovasjon og nyskaping.

Du er strategisk og målretta

Samtidig som du tek initiativ, og ofte har forslag til løysningar, tek du gjerne imot innspel frå både elevar og kollegaer. Her får du vise din vurderingsevne, serviceinnstilling og fleksibilitet.

Du har god evne til å gjennomføre og stort fokus på elevane sitt læringsutbytte.

Du samarbeider godt med andre

Som rektor får du ein del ulike arbeidsoppgåver. I nokre oppgåver er det ein fordel at du er sjølvstendig, mens i andre krev det samarbeid. Ein slik hybrid trivast du godt med, da du er god på både relasjonar og kommunikasjon. Trur vi, da!

Du er synleg og inkluderande i møte med elevar, føresette og lokalmiljøet.

Dine kvalifikasjonar

• Du har relevant høgare utdanning og undervisingserfaring
• Du har kunnskap om skoleutvikling, evne til nytenking og evne til å gjennomføre. Skuleleiarerfaring er ein fordel.
• Du er god på personalleiing.
• Du har god økonomiforståing.
• Du har erfaring fra arbeid med kvalitetsvurdering
• Det er ønskjeleg at du har vidareutdanning i leiing og/eller erfaring frå skuleleiing, men ikkje eit krav.
• Du har god kjennskap til relevant lov- og avtaleverk.
• Du er god på kommunikasjon- skriftleg og munnleg
• Du har god digital kompetanse

Her er litt ekstra informasjon som er greitt å vere klar over

• Blir du kalla inn til intervju? Vi gleder oss til å prate med deg! 
   Men du - hugs å ta med ein kopi av vitnemål og attestar. 
• Prøvetida di er på 6 månadar. Du blir godt kjent med oss, og vi blir godt kjent med deg!
• Du blir tilsett basert på gjeldande lovar, reglement og tariffavtaler.  
• Det er krav om politiattest jf. Opplæringslova § 10-9. Skal du bli tilsett, må du vere personleg egna for stillinga. Vi legg stor vekt på personleg egnaheit. Løn etter avtale.

• Kommunen sine forsikrings- og pensjonsordningar.

Kva seier du? Vil du jobbe hos oss?

Nå manglar det berre å sende ein søknad og CV. Den sender du elektronisk via valet SØK HER.

Søknadsfrist: 30.09.2024

Har du nokre spørsmål? Vi svarar deg gjerne på det du lurer på!

Kontakt kommunalsjef oppvekst og kultur, Inger Øya Grøgård, på tlf. 948 21 895. E-post:  

Du kan bli ført opp på offentleg søkjarliste sjølv om du har oppmoda om ikkje å bli det. Dersom oppmodinga ikkje blir teke til følgje, blir du varsla om dette, jf. Offentleglova § 25.

Er du annonsør eller del av bemanningsbyrå? Takk for interessa, men vi ønskjer ikkje å bli kontakt