Forvaltar Drift- og støttesystem
Helse Vest IKT
- Frist 7.10.2024
- Ansettelsesform Fast
Forvaltar Drift- og støttesystem
Bak alle dei lysande skjermane og dei store, viktige systema som hjelper til med å halde sjukehusdrifta i gang, står Helse Vest IKT. Vi forvaltar både dei kliniske og dei administrative systemløysingane for alle sjukehusa og andre helseføretak i Helse Vest. Vi er ei av dei største IT-verksemdene på Vestlandet, og fokuset vårt er alltid på pasienten. Av ansvarsoppgåver har vi alt frå komplekse regionale system, til mindre, lokale system på dei enkelte sjukehusa. Mange av løysingane er særs kritiske i pasientbehandlinga, og stiller strenge krav til oppetid og kvalitet. Vi står midt mellom dei som lagar programvara, og dei som skal bruke den - vi er bindeleddet. Det er difor viktig at våre forvaltarar både forstår og evnar å snakke sjukehus-språk på kundesida, og teknikar-språk med våre leverandørar.
Seksjonen Drift- og støttesystem består av 20 medarbeidarar som er lokaliserte ved våre kontor i Bergen og Stavanger. Seksjonen har ansvar for i underkant av 1000 små eller mellomstore løysingar i Helse Vest, og skal bidra til at desse systema blir forvalta på ein god måte. Seksjonen skal òg ta eit auka ansvar for programvarer som omfattar medisinsk teknisk utstyr og teknisk utstyr i tett samarbeid med sjukehusmiljøa på Vestlandet. Vi treng difor å styrke vår forvaltningskapasitet inn mot disse løysningane.
Hos oss får du moglegheit til å jobbe i eit unikt miljø i ein banebrytande bransje, og med eit inspirerande samfunnsoppdrag!
Høyrest dette spennande ut? Då vil vi snakke med deg! Arbeidsstad er Stavanger, Bergen, Haugesund eller Førde.
Arbeidsoppgåver
- Du koordinerer ulike aktivitetar inn mot brukarmiljøa og internt i Helse Vest IKT.
- Forvalting og vidareutvikling av ulike system brukte ved ulike avdelingar i Helse Vest.
- Konfigurasjon og oppsett i enkelte system.
- Vere bindeledd mellom leverandør og helseføretak.
- Produsere kunnskapsprosedyrar og annan dokumentasjon.
- Forstå systemet og funksjonaliteten, samt behovet til kunden.
- Sakshandsaming, brukarstøtte, feilsituasjonar og leveransar.
- Organisere og delta i testing i samband med nye utrullingar, oppgraderingar og feilrettingar.
- I tillegg deltek du i aktuelle prosjekt eller i aktuelle arbeidsgrupper.
Kvalifikasjonar
- Bachelor/master innan IKT, medisinsk teknologi og/eller helsefagleg utdanning med teknisk fordjuping.
- Erfaring med forvalting av IKT-system og -løysingar vil vere ein føremon, men er ikkje eit krav.
- Kjennskap til drift og forvaltning av Windows-baserte system.
- Kjennskap til prosessar i sjukehusa vil vere ein føremon, men er ikkje eit krav.
- Kjennskap til medisinsk-tekniske løysningar og helsesektoren tel positivt.
- Må kunne kommunisere skriftleg og munnleg på norsk og engelsk.
- Interesse for vidareutvikling og forbetring av løysingar.
Personlege eigenskapar
- Gode relasjonelle ferdigheiter - du ser alle sine behov og klarar å formidle det som skal til.
- Du er tydeleg, kan ta ordet og vere ærleg om det som manglar.
- Du er løysingsorientert og feilsøkande og har evna til å løfte blikket og sjå heilskapen.
- Du evnar å få folk med deg og å få fram det positive, og får frustrasjon til å verte løysingsjakt.
- Du ser verdien av å dele kunnskap med dine kollegaer, kundar og andre samarbeidspartnarar.
- Du tar initiativ og evnar å ta ansvar og styring når situasjonen krev det.
- Du er både interessert i å finne ut av, og evnar å forstå, korleis ting heng saman.
Vi tilbyr
- Moglegheit til å skape gode resultat, både åleine og i saman med andre.
- Inkluderande og kunnskapsrike kollegaer som alle jobbar for det felles beste.
- Moderne maskinvare og utstyr.
- Løn etter avtale.
- Medlemskap i KLP som sikrar gode pensjonsordningar.
Vi liker å sjå kvarandre på kontoret, og å møtast fysisk er viktig for samarbeid og fellesskap, og for å fylle den sosiale koppen. Men vi forstår at mange ønskjer seg ein hybrid kvardag, med moglegheit for å variere mellom å jobbe heimanfrå og på kontoret. Hos oss kan du inngå avtale om heimekontor når arbeidsoppgåvene tillèt det, og vi har fleksibel arbeidstid som gir rom for god balanse mellom jobb og fritid.
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Vil du verte betre kjent med oss og lese meir om kva vi driver med? Gå inn på helse-vest-ikt.no
- Sektor: Offentlig
- Sted: Bjørnsons gate 29, 5052 Bergen
- Flere arbeidssteder: Professor Olav Hanssensvei 7A, 4021 Stavanger, Øvregata 126, 5527 Haugesund, Naustdalsvegen 5, 6800 Førde
- Bransje: Helse og omsorg, IT
- Stillingsfunksjon: Drift/Operations
- Arbeidsspråk: Norsk
- FINN-kode 372009050
- Sist endret