Overlege i medisinsk mikrobiologi
Helse Bergen
- Frist 20.10.2024
- Ansettelsesform Fast
Overlege i medisinsk mikrobiologi
Helse Bergen, Haukeland universitetssjukehus har ledig stilling for overlege i medisinsk mikrobiologi frå 1. januar 2025. Mikrobiologisk avdeling har rundt 120 tilsette, derav sju overlegar, tre overlegar i bistilling og fem stillingar for LIS. Avdelinga tar imot eit rikhaldig assortement av prøver frå allmenn- og spesialisthelsetenesta.
Den som blir tilsett får arbeidsoppgåver innan heile det mikrobiologiske feltet. Avdelinga har høg forskingsaktivitet, og forskingstilhøva ved avdelinga er gode. Stillinga inngår i vaktordning fordelt mellom overlegane med heimevakt på ettermiddagar og helg/helgedagar.
Arbeidsoppgåver
- Arbeidstakars hovudoppgåver vil vere knytt til diagnostikk og utforsking av infeksjonar. Det blir forventa at overlegen tar del i forskingsprosjekt knytt til aktiviteten ved Mikrobiologisk avdeling
Kvalifikasjonar
- Søkar må vere spesialist i medisinsk mikrobiologi eller ha fullført krav til og sendt inn søknad om spesialistkompetanse. Mykje av aktiviteten ved avdelinga er utviklingsorientert, og det er derfor sterkt ønskeleg at den som blir tilsett har god akademisk kompetanse innan laboratoriediagnostikk
- Norsk autorisasjon er eit krav
Personlege eigenskapar
- Du er målretta, og får oppgåvene gjort
- Du har engasjement for fagfeltet og ønsker å vidareutvikle kompetansen din
- Du har gode samarbeidsevner, er arbeidsvillig og initiativrik
Vi tilbyr
- Lønn etter avtale
- Høgt fagleg nivå
- Gode pensjons- og forsikringsordningar
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Om arbeidsgiveren
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Jonas Lies veg 87, 5021 Bergen
- Bransje: Helse og omsorg
- Stillingsfunksjon: Overlege, Spesiallege
- Arbeidsspråk: Norsk
Nøkkelord
Overlege, medisinsk mikrobiologi, Mikrobiologisk avdeling, Overlege, sykehus
meta.heading
- FINN-kode 373385295
- Sist endret