Avdelingsleiar – NAV Hjelpemiddelsentral Vestland avd. Tolk

NAV Hjelpemiddelsentral Vestland i Bergen har ei ledig 100 % stilling som avdelingsleiar (stillingskode 1407) ved avdeling Tolk.

Hjelpemiddelsentralen er eit ressurs- og kompetansesenter, og avd. Tolk har ansvar for tolking for høyrselshemma, døve og døvblinde i Vestland fylke.
Vi søkjer ein tydeleg, ærleg og framtidsretta avdelingsleiar i Bergen. Leiaren rapporterer til seksjonssjefen for avdelinga. Avdelingsleiaren og seksjonssjefen deler personalansvaret for tilsettgruppa, og begge sit i avdelingsdirektøren si leiargruppe

Arbeidsoppgåver

Som avdelingsleiar skal du

- leie og utvikle avdelinga
- ha personalansvar
- utvikle fagkompetansen i avdelinga i tråd med nasjonale føringar
- jobbe med overordna problemstillingar på avdelinga
- vere ein pådrivar for utviklingsarbeid
- koordinere intern og ekstern samhandling
- følgje opp sentralt strategiarbeid

Kvalifikasjonar

Du må ha
- høgare utdanning innan organisasjon og leiing, eller liknande utdanning
- dokumentert leiarerfaring med personalansvar
- interesse for å jobbe med ulike digitale flatar og kommunikasjonskanalar
- god kommunikasjonskompetanse

Vi ynskjer at du har
- tolkefagleg utdanning og/eller annan relevant tolkefagleg kompetanse
- leiarerfaring frå offentleg verksemd
- erfaring med å skape gode resultat og entusiasme i avdeling/organisasjon
- erfaring frå gjennomføring av endrings- og utviklingsprosessar

Personlege eigenskapar

Du må
- identifisere deg med NAV sin visjon og verdiar
- meistre stort arbeidspress, vere strukturert og resultatfokusert
- evne å skape eit stort engasjement
- evne å hente det beste frå dine tilsette
- kunne jobbe kunnskapsbasert

Vi legg stor vekt på personlege eigenskapar. Vi forventar at du har evne til tydeleg leiing og til å skape gode relasjonar både internt og eksternt.

Vi tilbyr

- spennande, utfordrande og meiningsfylte arbeidsoppgåver på eit viktig samfunnsområde
- eit triveleg og hektisk arbeidsmiljø
- fleksibel arbeidstid
- medarbeidarar med høg kompetanse
- lønn kr. 692 400 – 732 300, høgare lønn kan vurderast for særleg godt kvalifiserte søkjarar
- god pensjonsordning gjennom Statens pensjonskasse (frå lønna blir det trekt 2 %)